AGEZWEHO

  • Hatangijwe umushinga wo kongera umusaruro w'ibyoherezwa mu mahanga – Soma inkuru...
  • Abasenateri bagaragaje impungenge ku bakekwaho Jenoside bagikingirwa ikibaba n’amahanga – Soma inkuru...

Burera: Niyitegeka w’imyaka 41 yiyemeje gusubira mu mashuri yisumbuye aho ubu yigana n’umwana we

Yanditswe Oct, 28 2023 16:23 PM | 136,329 Views



Niyitegeka Gildas w’imyaka 41 wo mu Karere ka Burera, yafashe icyemezo cyo gusubukura amasomo yari yaracikishije kera, ubu arimo kwigana n’umuhungu we mu rwunge rw’amashuri rwa Ndago, akagira inama abakuze batize ko bakwiye kumufatiraho urugero.

Niyitegeka arubatse afite abana batandatu, batuye mu Murenge wa Rusarabuye.
Mu ntangiriro z’uyu mwaka nibwo yasubukuye amasomo yacikishirije mu mwaka wa 1998.
Ubu ariga mu mwaka wa Kabiri w’amashuri yisumbuye.

Tumusanze mu ishuri yigana na bagenzi be isomo ry’ikinyarwanda, aho mwarimu yamutoranyije ngo asomere bagenzi be umwandiko ku kamaro ka kariyeri.

Ishyari ryiza ryo kubona abize batera imbere ngo niryo ryamuteye gufata icyemezo cyo gusubukura amasomo.

Nyuma yo gusubukura amasomo, Niyitegeka yabwiwe amagambo menshi y’urucantege ariko ayima amatwi.

Mu mwaka umwe gusa asubukuye amasomo, Gildas atangiye kudidibuza icyongereza.

Ubwo yasubukuraga amasomo, yatangiranye n’umuhungu we witwa Niyiringirwa Valentin mu mwaka wa Mbere w’amashuri yisumbuye, gusa ngo uyu mwana byamuteye ipfunwe kubera amagambo yabwirwaga yo kumusesereza ngo bituma atsindwa.

Ubu Gildas n’umuhungu we bafashe ingamba zikomeye, aho buri munsi basubira mu masomo buri umwe agafasha mugenzi we icyo atumva.

Abarimu bishimira uburyo ari kwitwara neza mu masomo.

Umugore wa Niyitegeka Gildas agaragaza ko ashyigikiye umugabo we kandi yizeye ko ubumenyi azunguka buzagirira akamaro umuryango wabo.

Niyitegeka Gildas agira inama abakuze bibwira ko imyaka yo gushaka ubumenyi yabarenganye, ko ntawe ukwiye kubaho atazi gusoma no kwandika kuko u Rwanda rwimakaje uburezi kuri bose.


Mbarushimana Pio



Ba uwambere gutanga igitekerezo

Tanga igitekerezo:



RSS FEED

Hatangijwe umushinga wo kongera umusaruro w'ibyoherezwa mu mahanga

Abasenateri bagaragaje impungenge ku bakekwaho Jenoside bagikingirwa ikibaba n&r

U Rwanda rwashoye miliyari 90 Frw yo kugaburira abana ku mashuri mu 2023/2024

Minisitiri Prof. Bayisenge yasuye urubyiruko rw'i Huye, aruha umukoro wo kw

Nyamasheke: Abagororwa 18 bafungiye ibyaha bya Jenoside basabye imbabazi abo bic

Inyungu iri mu kwifashisha drones mu kohereza ibicuruzwa ku mahoteli

EU yasabye RDC kwirinda imvugo zibiba urwango n'amacakubiri biteza intambar

Abafite amasambu hafi y’Ikiyaga cya Ruhondo basabye ko abayigabije bayakur