Byinshi ku Muganura Abanyarwanda bitegura kwizihiza

AGEZWEHO

  • BNR yazamuye igipimo cy’inyungu iheraho inguzanyo banki z’ubucuruzi – Soma inkuru...
  • Abatega bava cyangwa bajya mu Mujyi wa Kigali barataka kubura imodoka – Soma inkuru...

Byinshi ku Muganura Abanyarwanda bitegura kwizihiza

Yanditswe Jul, 30 2022 21:08 PM | 87,288 Views



Mu gihe hitegurwa kwizihiza umunsi w’umuganura wizihizwa buri wa Gatanu wa Mbere w'ukwezi kwa Kanama, bamwe mu nararibonye mu by'umuco basanga abato bakwiye gukura isomo ryo kuramba ku bumwe n'urukundo kuri uyu munsi w'umuganura.

Inzira y’umuganura ni imwe muri 18 zari zigize inzira z’ubwiru mu Rwanda mu gihe cy’ingoma ya cyami. 

Inzira z’ubwiru zarimo iz’ubukungu, iz’umutekano w’igihugu n’izindi abashinzwe iyo mihango bitwaga abiru.

Umunyamateka, Nsanzabaganwa Starton avuga ko "Amateka agaragaza ko kuva ku ngoma ya Gihanga Ngomijana kugeza ku ngoma ya Ndahahiro cyamatare, inzira y’umuganura mu Rwanda yakorwaga, gusa Umuganura waje kugira agaciro gakomeye ku ngoma ya Ruganzu II Ndori ubwo yabundukaga aribyo gutahuka k’umwami agasanga igihugu kimaze imyaka 11 kiri mu maboko y’abanyabungo, aho bari barakuyeho imihango yose irimo n’umuganura."

Kugarura umuganura  Ruganzu ngo yabikoreye kugarura ubumwe bw’abanyarwanda.

Abahanga mu mateka y' u Rwanda baha igisobanuro umuganura nk'inkingi ishimangira ubumwe bw’abanyarwanda, gukunda igihugu, no gukunda umurimo.

Mu buryo bwagutse ariko umunyamateka Nsanzabaganwa Starton we asanga ubu kuwizihiza binajyana no kuba ku rwego rw'igihugu ari umwanya wo kwisuzuma mu rugendo rw'iterambere ndetse n'igihe gikwiye cyo guhiga hagamijwe guhamya intego.

Leta y’u Rwanda igendeye ku byiza n’akamaro Umuganura wagize mu kubaka Igihugu, yawuhaye agaciro gakomeye, ishyiraho n’umunsi w’ikiruhuko uba buri wa Gatanu wa mbere w’ukwezi kwa Kanama, hagamijwe ko Abanyarwanda basabana, bunge ubumwe, bazirikane ibyiza bagezeho ari nako bahiga gukora neza kurushaho.





Ba uwambere gutanga igitekerezo

Tanga igitekerezo:



RSS FEED

BNR yazamuye igipimo cy’inyungu iheraho inguzanyo banki z’ubucuruzi

Abatega bava cyangwa bajya mu Mujyi wa Kigali barataka kubura imodoka

Hamuritswe igitabo cy'irangamimerere cyandikwamo umwana wavutse ku babyeyi

SENA yabajije impamvu abakandida bigenga batemerewe kwiyamamaza mu matora ya EAL

RURA yatangaje ko hagiye kongerwa imodoka zitwara abagenzi muri Kigali

Abanya-Kenya baba mu Rwanda basabye ko uzatorwa yazahanira iterambere ry’u