Ethiopia yafunguye ku mugaragaro ambasade yayo mu Rwanda

Ethiopia yafunguye ku mugaragaro ambasade yayo mu Rwanda

Yanditswe April, 30 2017 at 00:19 AM | 1904 Views



Bamwe mu baturage basanzwe bakenera kujya mu gihugu cya Ethiopia muri gahunda zitandukanye barishimira ko ambasade y'iki gihugu yafunguwe mu Rwanda. Ibiro by'iyi ambasade biherereye i Gacuriro mu karere ka Gasabo byafunguwe na ministre w'intebe wa Ethiopia Hailemariam Desalegn.

Mu muhango wo gufungura iyi Ambasade ku mugaragaro, minisitiri w’ububanyi n’amahanga w’u Rwanda, Mme Louise Mushikiwabo, yavuze ko iyi ari intambwe ikomeye hagati y’ibihugu byombi, mu gushimangira umubano bifitanye.

Yavuze kandi ko icyo ibihugu byombi bishyize imbere ari iterambere, kurwanya ubukene no guha abaturage babyo agaciro bakwiriye.

Umuhango wo kuyifungura kumugaragaro, wanitabiriwe n'abandi banyacyubahiro barimo ambasaderi w’u Rwanda muri Ethiopia, Hope Tumukunde ndetse n’umunyamabanga wa Leta muri Minisiteri y’Ububanyi n’Amahanga muri Ethiopia, Hirut Zemene, wagaragaje ko iyi ambasade igamije gushimangira umubano hagari y'ibihugu mbombi.

Ubusanzwe abakeneraga kujya mu gihugu cya Ethiopia byabasabaga kubanza kujya muri Uganda gushakayo urwandiko rw'inzira rubemerera kujya muri icyo gihugu.

Imikoranire myiza hagati y'igihugu cya Ethiopia n'u Rwanda ishingiye ku guhana service, harimo ubufatanye mu gukwirakwiza amashanyarazi, imikoranire mu bya gisirikare, uburezi n'ibindi.




Ba wambere gutanga igitekerezo

Tanga igitekerezo:



RSS FEED

Ethiopian Nationals living in Rwanda visited Kigali Memorial

Ikipe y'u Rwanda yegukanye imidali ibiri muri Ethiopia

Mu kirere cy’u Rwanda hakumiwe indege za Boeing 737-8 Max

Umunyarwanda Jackson Musoni yaguye mu mpanuka ya Ethiopian Airline

Indege ya Boeing 737 ya Ethiopia Airline yakoze impanuka

Ministre w'intebe wa Ethiopia yasoje uruzinduko rw'iminsi 3 yakoreraga