First Lady Jeannette Kagame yifurije abana Noheli nziza n'umwaka mushya wa 2019

First Lady Jeannette Kagame yifurije abana Noheli nziza n'umwaka mushya wa 2019

Yanditswe December, 09 2018 at 22:15 PM | 62415 Views



Abana bakabakaba 200 baturutse hirya no hino mu gihugu, kuri iki cyumweru bakiriwe na Madamu Jeannette Kagame wabifurije Noheri nziza n'umwaka mushya muhire wa 2019. Yagaragarije abo bana ko igihugu kibakunda kandi abasaba gutangira umwaka bafite gahunda mu buzima, bakorera ku ntego igihe cyose bafite icyo bifuza kugeraho.

Muri Village Urugwiro,ahari ibiro by’umukuru w’ igihugu abana baturutse mu turere twose tw’igihugu bakikije Madamu wa Perezida wa Repubulika bakata umutsima. Ni muri gahunda yo ngaruka mwaka yo kubifuriza iminsi mikuru myiza ya Noheri n’ubunani. Muri ibi birori abana bafite hagati y’imyaka 7 na 12 bahawe umwanya wo kugaragaza impano zabo.

Madamu wa Perezida wa Repubulika Jeannette Kagame yabwiye aba bana ko igihugu kibakunda kandi ko bagomba guharanira kugira ejo heza binyuze mu gukorera ku ntego bakagira umwete wo guharanira kugera kubyo bifuza. Yagize ati, "...Ubu rero dusoza ndagira ngo mbahe umukoro w'umwaka dusoza, nitumara kugera murugo n'abakuru kandi ni umukoro utureba twese dushake aho twandika intego cyangwa umuhigo nibura umwe tuzaharanira kugeraho buri kwezi, iki gihe nicyo abantu bafatira ingamba zo z'umwaka bagasuzuma uko bawusoje  bakanemeza nuko bazakora ukurikira. Iyi mihigo rero n'intego kandi muzabigeraho mufatanyije nabo mubana cyane ababyeyi banyu ndetse n'abavandimwe banyu."

Iyi gahunda  ngarukamwaka yo kwifuriza  abana iminsi mikuru myiza, yaranzwe n’imikino n’imyidugaduro. Abana batumiwe  bakomoka mu miryango itishoboye, bamwe bafite ubumuga, impfubyi, abana bafite impano zinyuranye ndetse n'abana bagiye batsindira hejuru mu manota  bakaba indashyikirwa mu mashuli yabo.Muri ubu buryo aba ban ababboneraho no gusabana n’abana b’abakozi n’abanyamuryango ba Unity Club na Imbuto Foundation,imiryango yombi madamu Jeannette Kagame abereye umuyobozi w’ikirenga.



Ba wambere gutanga igitekerezo

Tanga igitekerezo:



RSS FEED

First Lady Jeannette Kagame avuga ko abagore bwakiye kurushaho kurwanya ruswa

First Lady Jeannette Kagame arakangurira abantu kwandika ku mateka ya Jenoside

First Lady Jeannette Kagame yitabiriye ibiganiro ku mateka muri gahunda ya caf&e

First Lady Jeannette Kagame yahembye inkubito z'icyeza mu karere ka Nyamaga

Imbuto Foundation yatangiye guhemba imbuto z'icyeza mu ntara y'amajyar

Madamu Jeannette Kagame yasabye urubyiruko kugira icyerekezo mu buzima