AGEZWEHO

  • Hatangijwe umushinga wo kongera umusaruro w'ibyoherezwa mu mahanga – Soma inkuru...
  • Abasenateri bagaragaje impungenge ku bakekwaho Jenoside bagikingirwa ikibaba n’amahanga – Soma inkuru...

Gicumbi: Ntibigisaba ko bambuka umupaka bajya gushaka serivisi

Yanditswe Feb, 03 2022 18:37 PM | 46,403 Views



Abaturage bo mu karere ka Gicumbi batuye mu mirenge yegereye umupaka barishimira ibikorwa remezo begerejwe bituma bashobora kwiteza imbere badakoze ingendo bajya mu bihugu by'abaturanyi.

Ibi ni bimwe mu byatangajwe ubwo Minisitiri w'ubutegetsi bw'igihugu yasuraga imirenge yo mu karere ka Gicumbi iri ku mupaka.

Ku kigo cy'amashuri y'imyuga n'ubumenyingiro cya Mukarange mu karere ka Gicumbi urubyiruko rurimo kwiga imyuga n'ubumenyingiro irimo, ubwubatsi, gusudira n'ibinyanye n'amashanyarazi.

Ni ikigo kimaze amezi agera kuri 3 gitangiye gukora ubu kikaba kimaze kugira abanyeshuri basaga 200. Benshi muri aba biganjemo abari baracicishirije amashuri none baravuga ko imyuga barimo kwiga izaba imbarutso y'iterambere ryabo.

Mu rwego rw'ubuzima abaturage muri aka karere bishimira ibigo nderabuzima byubatswe bifasha abaturage kwivuza bitabasabye gukora ingendo nini.

Muri ibi bigo nderabuzima byubatswe harimo icya Mulindi na Poste de Sante ya Gatuna. Aha hatangirwa serivisi zo kuvura amenyo,amazo, gusiramura no gufasha abagore babyara.

Abaganga bakorera kuri ibi bigo nderabuzima bavuga ko umubare munini w'abarwayi bakirwa muri ibi bigo nderabuzima biganjemo abarwaye indwara z'amenyo.

Usibye ibikorwa remezo byiganjemo ibiteza imbere ubuzima n'uburezi bushingiye ku myuga n'ubumenyingiro abaturage begerejwe banishimira ko bahawe imirimo muri gahunda za VUP aho bakora imihanda buri muturage agahembwa ibihumbi 2000 ku munsi

Minisitiri w'Ubutegetsi bw'Igihugu Gatabazi Jean Marie Vianney yasabye abaturage ba Gicumbi kwishakamo ibisubizo bigamije iterambere ryabo no gukunda ibikorerwa mu Rwanda.

CP Munyambo Bruce ushinzwe ishami rya Polisi riyihuza n'abaturage yagaragaje ko mu gihe abaturage bafatanyije n'inzego z'umutekano habaho umutekano usesuye maze abasaba gukomeza kugira uruhare mu kuwucunga kuko ari isoko y'iterambere.

KWIZERA John Patrick



Ba uwambere gutanga igitekerezo

Tanga igitekerezo:



RSS FEED

Hatangijwe umushinga wo kongera umusaruro w'ibyoherezwa mu mahanga

Abasenateri bagaragaje impungenge ku bakekwaho Jenoside bagikingirwa ikibaba n&r

U Rwanda rwashoye miliyari 90 Frw yo kugaburira abana ku mashuri mu 2023/2024

Minisitiri Prof. Bayisenge yasuye urubyiruko rw'i Huye, aruha umukoro wo kw

Nyamasheke: Abagororwa 18 bafungiye ibyaha bya Jenoside basabye imbabazi abo bic

Inyungu iri mu kwifashisha drones mu kohereza ibicuruzwa ku mahoteli

EU yasabye RDC kwirinda imvugo zibiba urwango n'amacakubiri biteza intambar

Abafite amasambu hafi y’Ikiyaga cya Ruhondo basabye ko abayigabije bayakur