Goma: Abantu 5 bapfiriye mu myigaragambyo yo kwamagana MONUSCO

Guverinoma ya Repubulika Iharanira Demokarasi ya Congo yatangaje ko abantu 5 bapfiriye mu myigaragambyo kwamagana Ingabo ziri mu butumwa bwa Loni bwo kugarura amahoro muri iki gihugu (MONUSCO).

Ku wa Mbere w'iki cyumweru ni bwo abanyakongo bazindukiye mu myigaragambyo mu Mujyi wa Goma, basaba ko ingabo za MONUSCO ziva muri iki gihugu.

Abigarambya bazindukiye mu mihanda barayifunga bakoresheje amabuye n'amabariyeri ndetse bigabiza ibiro bya MONUSCO basahura ibikoresho bitandukanye ibindi barabitwik. Bbashinja MONUSCO kutubahiriza inshingano yari ifite mu myaka 20 imaze mu gihugu cyabo.

Polisi ya Congo yagerageje gutatanya abigaragambya ikoresheje imyuka iryana mu maso.

Umuvugizi wa Guverinoma ya Congo, Patrick Muyaya abinyujije kuri Twitter, yamaganye ibi ibikorwa byi basiye ibiro bya Monusco avuga ko ababigizemo uruhare bagomba gukurikiranwa kandi baka bihanirwa. Atangazamo iyi myigaragambyo yaguyemo abantu 5, na ho ababarirwa muri 50 barakomereka.

Abayobozi ba Congo bakunze kugaragaza ko batishimiye MONUSCO. Perezida wa Sena, Modeste Bahati Lukwebo, yumvikanye avuga ko izi ngabo zikwiriye kuva mu gihugu zigasubira iwabo.

MONUSCO yatangiye ibikorwa byo ku garura amahoro muri Congo mu 1999, abanyekongo bo bavuga ko kuva icyo gihe nta musararuro babona.

Didier Amen BYIRINGIRO