AGEZWEHO

  • Abadepite batangiye gusuzuma umushinga w'itegeko witezweho kongerera ububasha Polisi – Soma inkuru...
  • Ku munsi mpuzamahanga wa mwalimu mu Rwanda abarimu bishimiye ko leta yita ku mibereho yabo – Soma inkuru...

HEC yasabye amashuri makuru yigenga kujya ashyira mu bikorwa ibyo yasabwe

Yanditswe Aug, 18 2022 17:20 PM | 80,965 Views



Inama nkuru y'amashuri makuru na Kaminuza, yasabye amashuri makuru yigenga kujya ashyira mu bikorwa ibyo yasabwe, kandi n'abanyeshuri bakeneye kwiga mu mashuri makuru yo hanze y'igihugu bakajya bashishoza mbere yo gushora amafaranga.

Mu biganiro byahuje abahagarariye amashuri makuru na Kaminuza byigenga yabahuje n'ubuyobozi bw'inama nkuru y'amashuri makuru mu Rwanda (HEC), biga ku miyoborere y'aya mashuri makuru, hagaragajwe ko ibi bibazo biterwa no kutubahiriza amategeko n'amabwiriza ya Leta agenga abashaka gutangiza aya mashuri.

Abayobozi b'amashuri makuru yigenga mu Rwanda bavuga ko itegeko rishya rigena imikorere y'izi Kaminuza n'amashuri makuru, ari igisubizo ku bibazo bamwe bagiye bahura nabyo bigatuma hari izifungwa cyangwa amwe mu mashami yazo.

Imicungire mibi y'umutungo n'ubushobozi buke, kudahemba abarimu, ba nyiri aya mashuri makuru bivanga mu miyoborere yayo, kudakurikiza amategeko n'amabwiriza agenga gutangira kw'amashuri makuru mu Rwanda, ndetse no kudakurikirana amabwiriza agenga abanyeshuri mu gihe bimenyereza umwuga  biri mu byatumye amwe mu mashuri makuru cyangwa amasahami yayo afungwa burundu cyangwa by'agateganyo.

Nyuma yo gusobanurirwa ibijyanye n'itegeko rishya, abahagarariye aya mashuri bavuze ko ari igisubizo mu kwirinda ko bakongera gufungirwa.

Dr Rusibana Claude uyobora ULK yagize ati "Riratanga inshingano ku buyobozi bukuru bwa Kaminuza no kuri ba nyir'ikigo, rigatanga n'ishingano no kuri Kaminuza ny'ir'izina, uko kuzuzanya kw'izo nzego bitanga igisubizo kugira ngo mu Rwanda dukomeze tugire ireme ry'uburezi."

Rusine Josua uhagarariye mu mategeko Kaminuza ya Gitwe we yagize ati "Hari igihe usanga bya bindi bisabwa abantu batarabyujujue uko bikwiye cyangwa mu gihe bari barabyujuje bakagenda badohoka ugasanga ryareme ryaratakaye, rero muri iki gihe HEC iragenda idukangura kugira ngo tugendere kuri wa murongo ndetse twongereho uburezi buse neza kuburyo ibyo abanyeshuri biga babe babifashe ndetse babyimereze ku buryo hasohoka umunyeshuri w'umwuga wabyize."

Umuyobozi mukuru w'inama nkuru y'amashuri makuru na Kaminuza mu Rwanda, Dr Rose Mukankomeje yasabye aya mashuri makuru yigenga kujya ashyira mu bikorwa ibyo yasabwe kandi n'abanyeshuri bakeneye kwiga mu mashuri makuru yo hanze mu gihugu bakajya bashishoza mbere yo gushora amafaranga.

Ati "Bamwe mu bashyiragaho amashuri amafaranga bakayishyirira mu mifuka, bakayakoresha ibindi, icyo twaganiriyeho rero ni uko ku bijyanye n'imiyoborere ku bijyanye n'umutungo w'ishuri, imyigishirize ni ibintu bikomeye banyiri amashuri bagomba kutivanga mu buyobozi bw'ishuri ariko bakamenya ibikorerwamo kandi n'umutungo ntibawugire uwabo, niba ugiye kwiga hanze umenye amategeko y'igihugu cyawe kuko uzagaruka ugakora, ugende ukurikirane ibyo wize kandi wujuje ibisabwa."

Kugeza ubu mu Rwanda hari amashuri makuru na Kaminuza byigenga 27.

Jean Paul Turatsinze



Ba uwambere gutanga igitekerezo

Tanga igitekerezo:



RSS FEED

Abadepite batangiye gusuzuma umushinga w'itegeko witezweho kongerera ububas

Ku munsi mpuzamahanga wa mwalimu mu Rwanda abarimu bishimiye ko leta yita ku mib

Bamwe mu bagize umuryango w’Ubwami bw’u Bwongereza basuye urwibutso

Minisiteri y'Ibidukikije yahagurukiye ikibazo cy’imiswa yangiza imyak

MINALOC yasabye abayobozi b'inzego z'ibanze baherutse gutorwa kwirinda

Imibare y'abanyeshuri bava mu mashuri yigenga bakajya mu mashuri ya Leta ik