Hagiye gushyirwa hanze uburyo bw’ikoranabuhanga bwifashisha amakuru atangwa n’ibyogajuru ku buhinzi

AGEZWEHO

  • BNR yazamuye igipimo cy’inyungu iheraho inguzanyo banki z’ubucuruzi – Soma inkuru...
  • Abatega bava cyangwa bajya mu Mujyi wa Kigali barataka kubura imodoka – Soma inkuru...

Hagiye gushyirwa hanze uburyo bw’ikoranabuhanga bwifashisha amakuru atangwa n’ibyogajuru ku buhinzi

Yanditswe Jun, 29 2022 13:06 PM | 76,571 Views



Ubuyobozi bw’Urwego rw’u Rwanda rushinzwe isanzure, ruvuga ko mu gihe cya vuba rugiye gushyira hanze uburyo bw’ikoranabuhanga bwifashisha amakuru atangwa n’ibyogajuru ku buhinzi.

Ruvuga ko ibi biri mu rwego rwo guteza imbere uru rwego rukorwamo n’abasaga 70% by’Abanyarwanda, ku buryo azajya yifashishwa n’inzego z’ubuhinzi mu kongera umusaruro w’uru rwego rugize 23% by’umusaruro mbumbe w’igihugu.

U Rwanda ruri mu bihugu 10 byo kuri uyu mugabane wa Afurika bifite ibyogajuru mu isanzure, ndetse akaba ari kimwe mu bihugu byatangiye kwifashisha amakuru y’ibyogajuru mu buhinzi.

Urwego rw’u Rwanda rushinzwe isanzure ruvuga ko rwatangiye kureba uburyo amakuru atangwa n’ibyogajuru yabyazwa umusaruro mu nzego zinyuranye, zirimo n’ubuhinzi bugize 26% by’umusaruro mbumbe w’igihugu.

Umuyobozi Mukuru ushinzwe ibya tekinike muri Rwanda Space Agency, Kwizera George avuga ko barimo kunononsora uburyo bw’ikoranabuhanga ry’ibyogajuru rizajya ryifashisha amakuru yo mu isanzure ajyanye n’iby’ubuhinzi, ku buryo azajya ahabwa inzego z’ubuhinzi mu rwego rwo guteza imbere uru rwego rukorwamo n’abasaga 70% by’Abanyarwanda.

Umuhinzi wabigize umwuga, Nsengiyumva Francois avuga ko aya makuru ku buhinzi bwabo baba bayakeneye cyane ku buryo bamenya ikigero cy’inyongeramusaruro bakoresha, ndetse n’ikigero cy’uburumbuke bw’ubutaka bityo begushora byinshi bituma umusaruro wabo uhenda ku isoko.

Visi Perezida wa kabiri w’Urwego rw’Abikorera, Aimable Kimenyi avuga ko nk’abikorera bazafatanya n’Urwego rw’U Rwanda rw’isanzure mu gukora igicuruzwa gikorewe mu gihugu gishobora no gucuruzwa ku isoko mpuzamahanga.

Umuyobozi Mukuru muri Minisiteri y’Ubuhinzi n’Ubworozi ushinzwe kuvugurura ubuhinzi, Octave Semwaga avuga ko hari amwe mu makuru batangiye guhabwa n’ibyogajuru ashingirwaho mu gufata ingamba ku myunzure, amapfa n’ibindi ku buryo ubu buryo burimo guhimbwa buzarushaho kubunganira

Usibye urwego rw’ubuhinzi, Rwanda Space Agency irimo gukora uburyo bw’ikoranabuhanga butandukanye burimo n’ubwerekana intera iri hagati y’ibikorwaremezo, ku buryo ubu buryo bugaragaza urugendo umuturage akora agiye gushaka serivisi z’itandukanye ndetse ni uburyo imiturire igenda yaguka binyuze mu makuru akubiye mu mafoto atangwa n’ibi byogajuru biri mu isanzure.


Bosco Kwizera 




Ba uwambere gutanga igitekerezo

Tanga igitekerezo:



RSS FEED

BNR yazamuye igipimo cy’inyungu iheraho inguzanyo banki z’ubucuruzi

Abatega bava cyangwa bajya mu Mujyi wa Kigali barataka kubura imodoka

Hamuritswe igitabo cy'irangamimerere cyandikwamo umwana wavutse ku babyeyi

SENA yabajije impamvu abakandida bigenga batemerewe kwiyamamaza mu matora ya EAL

RURA yatangaje ko hagiye kongerwa imodoka zitwara abagenzi muri Kigali

Abanya-Kenya baba mu Rwanda basabye ko uzatorwa yazahanira iterambere ry’u