Hatangajwe amatariki CHOGM 2020 izaberaho

Perezida wa  Repubulika Paul Kagame avuga ko urubyiruko rudakwiye gufatwa nk’umutwaro ahubwo ko ari igisubizo ku iterambere. Ibi Umukuru w’igihugu yabivugiye mu kiganiro yagiranye n’umunyamabanga Mukuru w’Umuryango w’ibihugu bikoresha ururimi rw’icyongereza,  cyatangarijwemo amatariki inama y’uyu muryango izabera mu Rwanda.

Byari bimaze iminsi bizwi ko u Rwanda ruzakira  Inama y’umuryango w’ibihugu bikoresha Icyongereza “Commonwealth” muri 2020 ariko amatariki nyayo y’iyo nama ikomeye izabera yari atari amenyekana.

Amashuso yashyizwe ku mbuga nkoranyambaga igaragaza ikiganiro Perezida wa Repubulika Paul Kagame yagiranye n’Umunyamabanga Mukuru wa Commonwealth , Patricia Scotland,  yakuyeho amatsiko. Iyi nama ikazaba mu cyumeru cya kizatangira tariki 22 Kamena 2020.

Muri iki kiganiro, Perezida wa Repubulika Paul  Kagame yagaragaje umwihariko w’iyi nama ifite insanganyamatsiko  igaruka ku guharanira ahazaza habereye buri wese binyuze mu ikroranabuhanga, guhanga udushya n’iterambere.

Umukuru w’igihugu kandi yagargaje urubyiruko nk’igisubozo ku iterambere aho kuba umutwaro..

Biteganyijwe ko abakuru b’ibihugu na za guverinoma b’ibihugu 53 bigize uyu muryango bose bazitabira. 

Umunyamanga Mukuru wawo, Patricia Scotland na we yagaragaje urubyiruko nk’amizero azatuma uyu muryango ugera ku ntego zawo.

Ibihugu bigize Umuryango wa Commonwealth byiganjemo urubyiruko kuko ruf 60% by’abaturage bagera kuri miliyari 2.4 batuye ibyo bihugu bari mu nsi y’imyaka 30.

Inkuru mu mashusho

Jean Pierre KAGABO