AGEZWEHO

  • Hatangijwe umushinga wo kongera umusaruro w'ibyoherezwa mu mahanga – Soma inkuru...
  • Abasenateri bagaragaje impungenge ku bakekwaho Jenoside bagikingirwa ikibaba n’amahanga – Soma inkuru...

Iburasirazuba: Abacukuzi b'amabuye y'agaciro barasaba kujya bahabwa inguzanyo

Yanditswe Oct, 19 2022 12:20 PM | 88,193 Views



Kuri uyu wa Gatatu tariki ya 19 Ukwakira 2022, abahagarariye amasosiyete y'abacukuzi b'amabuye y'agaciro mu Ntara y'i Burasirazuba, ikigo gishinzwe Mine, Peterole na Gazi n'ubuyobozi bw'inzego z'ibanze muri iyi ntara, bagiranye ibiganiro bigamije kungurana ibitekerezo ku guteza imbere uru rwego mu Ntara y'i Burasirazuba.

Bimwe mu bibazo byaganiriweho bikibangamira urwego rw'ubucukuzi bw'amabuye y'agaciro harimo imikorere y'akajagari iturutse ahanini ku bucukuzi butubahirije amategeko bikagira ingaruka ku buzima bw'abaturage harimo n'urupfu.

Hari amwe mu masosiyete kandi atubahiriza ihame ryo kurengera ibidukikije, adafite ibikoresho byabugenewe n'ibindi nyamara amabwiriza y'ubucukuzi abiteganya.

Abacukuzi b'amabuye y'agaciro nabo bagaragaza zimwe mu mbogamizi bagihura nazo zirimo kutabasha kubona inyemezabuguzi za EBM biturutse ku miterere y'imirimo yabo, gutinda kubona impushya zibemerera gukora ubushakashatsi cyangwa gukora ubucukuzi no gufungirwa ibikorwa byabo ako kanya nta kwihanangirizwa kwabayeho. 

Abacukuzi kandi bafite ikibazo gikomeye cyo guhombera mu bucukuzi kuko ngo amafaranga bakoresha aturuka hanze kandi abayabaha bakabashyiriraho amabwiriza agoye kubahiriza bikarangira n'ubundi ya amafaranga yongeye kwisubirira mu bihugu byo hanze; aha akaba ari ho bahera basaba ko ibigo by'imari byakwizera amasosiyete yo mu Rwanda maze bijya biyaha inguzanyo.

Jean Claude Mutuyeyezu



Ba uwambere gutanga igitekerezo

Tanga igitekerezo:



RSS FEED

Hatangijwe umushinga wo kongera umusaruro w'ibyoherezwa mu mahanga

Abasenateri bagaragaje impungenge ku bakekwaho Jenoside bagikingirwa ikibaba n&r

U Rwanda rwashoye miliyari 90 Frw yo kugaburira abana ku mashuri mu 2023/2024

Minisitiri Prof. Bayisenge yasuye urubyiruko rw'i Huye, aruha umukoro wo kw

Nyamasheke: Abagororwa 18 bafungiye ibyaha bya Jenoside basabye imbabazi abo bic

Inyungu iri mu kwifashisha drones mu kohereza ibicuruzwa ku mahoteli

EU yasabye RDC kwirinda imvugo zibiba urwango n'amacakubiri biteza intambar

Abafite amasambu hafi y’Ikiyaga cya Ruhondo basabye ko abayigabije bayakur