ICYO IMPUGUKE ZIVUGA KU NGENGO Y'IMARI 2019/2020

ICYO IMPUGUKE ZIVUGA KU NGENGO Y'IMARI 2019/2020

Yanditswe April, 29 2019 at 07:29 AM | 4262 Views



Impuguke mu by'ubukungu zisanga kwiyongera ku ingengo y'imari y'igihugu muri iyi myaka ya vuba bijyana igihugu mu iterambere ry'imibereho y'abaturage. 

Izi mpuguke ziravuga ibi mu gihe mu myaka 8 yonyine ingengo y'imari y'u Rwanda utaha wa 2019/2020 iziyongeraho hafi miliyari 300 ugereranyije n'iy'uyu mwaka turimo wa 2018/2019.

Muri rusange, hagati ya 2010 na 2017, ingengo y’imari ya leta y'u Rwanda yiyongereyeho miliyari 1,110.9 Frw, kuko nko muri 2017/2018 yageze kuri miliyari 2 094.9 Frw ivuye kuri miliyari 1954.2 Frws muri 2016/2017, bisobanuye ko muri uwo mwaka umwe yari yiyongereyeho miliyari 140.7 Frw. 

Ni mu gihe kandi imbanzirizamushinga y’itegeko rigena ingengo y’imari ya Leta mu gihe giciriritse cy'imyaka 3 iri imbere yemejwe n'inama y'abaminisitiri, iteganya ko muri 2020/2021 ingengo y'imari y'u Rwanda iziyongeraho miliyari zisaga 350, ndetse muri 2021/2022 yiyongereho miliyari zisaga 330, ibintu bishimangira ko muri iyi myaka isaga 10 ishize, ingengo y'imari y'igihugu imaze kwikuba inshuro hafi 5.

Impuguke mu bukungu Teddy KABERUKA, agaragaza ko kwiyongera ku ingengo y'imari y'igihugu bijyana no kwaguka k'ubukungu bwacyo, ibintu asanga bizafasha u Rwanda kugera ku ntego rwihaye zo kugera ku bukungu buciriritse, middle income country muri 2035 ndetse no kwinjira mu ruhando rw'ibihugu bikize muri 2050.Yasobanuye bimwe mu bituma ingengo y’imari yiyongera.


Banki y'Isi ivuga ko mu myaka hafi 10 ishize, ubukungu bw'u Rwanda bwazamutse ku gipimo cya 7.5%, ibintu byanazamuye kurushaho amikoro ya buri munyarwanda buzamuka, umusaruro mbumbe we ukaba wiyongera ku muvuduko wa 4.7% buri mwaka. 

Kugeza ubu kandi amafaranga ava imbere mu gihugu hamwe n’inguzanyo afite uruhare rusaga 85% by'ingengo y'imari y'igihugu, mu gihe inkunga z’amahanga zingana na 17% gusa.

Inkuru ya Divin Uwayo



Ba wambere gutanga igitekerezo

Tanga igitekerezo:



RSS FEED

Icyo abasesenguzi bavuga kuri Made in Rwanda imaze imyaka 4

Abasesenguzi bavuga ko nta bwigenge u Rwanda rwabonye ahubwo habaye umuhango

Suwede yatanze inkunga ya Miliyari 31,5 yo gufasha Kaminuza y’u Rwanda

Kwibohora 25: Intambwe idatsikira Leta yateye iha ijambo umugore

U Rwanda rwegukanye ibihembo bitanu mu nama yiga ku buhinzi n'bucuruzi bw&r

Itangazo ry’Ibyemezo by’Inama y’Abaminisitiri, tariki ya 24.06