INAMA KU BANYESHURI MBERE YO GUHITAMO AMASHAMI BAZIGAMO

Abanyeshuri biga mu mashuri yisumbuye barakangurirwa guhitamo amashami bagomba kwigamo hashingiye ku bushobozi bwabo. Ibi kandi bagomba no kubikora bazirikana icyerekezo cy’igihugu.

Umuyobozi w'ishuri ryisumbuye rya Kagarama mu mujyi wa Kigali Nkurunziza Sam avuga ko kuganiriza abanyeshuri bakamenya amashami atandukanye n'icyo bisaba kugirango bazayige ari ingenzi mu burezi bw'abanyeshuri kuko hari igihe umunyeshuri asoza amashuri yisumbuye ataramenya icyo akwiye kuziga muri Kaminuza.

Umuyobozi mukuru w'ikigo gishinzwe guteza imbere uburezi Dr. Irenee Ndayambaje avuga ko abanyeshuri bakwiye kujya bahitamo amasomo ajyanye n'icyererekezo cy'igihugu.

Gahunda yo gusobanurira abanyeshuri amashami atandukanye kugirango bajye bahitamo basobanukiwe bazajya bayifashwamo n'inyoborabiganiro zakwirakwijwe mu mashuri yose yo mu gihugu.

Aba bose bemeza ko ingaruka zo kutaganiriza abana ngo bamenye ubushobozi bwabo bishobora gutuma bahitamo amashami badafitiye ubushobozi ibintu bikunze kubagiraho ingaruka mu myigire yabo ya Kaminuza.

Inkuru ya John Patrick Kwizera