INKONGI Y'UMURIRO YANGIJE INGANDA NTO I MASAKA

AGEZWEHO

  • Kuvana impunzi muri Milles Collines n'urupfu rwa Cpt Mbaye Diagne wo muri MINUAR – Soma inkuru...
  • Uruhare ntashidikanywaho rw'Abanyarwandakazi mu butumwa bw'amahoro bwa Loni – Soma inkuru...

INKONGI Y'UMURIRO YANGIJE INGANDA NTO I MASAKA

Yanditswe May, 07 2019 14:25 PM
7,429 Views



Inkongi y'umuriro yibasiye inganda ntoya zitunganya amafu y'imyumbati n'ibinyampeke zo mu murenge wa Masaka w'akarere ka Kicukiro, hangirika imashini zisya, imodoka ndetse n'imyumbati yahacururizwaga. Abatuye hafi y'aho iyo mpanuka yabereye barakeka ko yatewe n'insinga z'amashanyarazi.

Izi nganda nto zafashwe n'inkongi y'umuriro zisanzwe zisya ibinyampeke n'ibinyabijumba nk'imyumbati ku buryo hari ibirundo byayo, nayo imyinshi muri yo ikaba byahiye. Nzamukosha Hadidja, umwe mu babonye umuriro bwa mbere avuga ko yihutiye kubimenyesha abandi, akaba akeka ko iyo nkongi ishobora kuba yatewe n'amashanyarazi.


Ibyangiritse ni iby'uwitwa Habarugira Alexis, n'ikiniga cyinshi yirinze kugira byinshi avuga ku cyo akeka cyateye iyo mpanuka n'ubwo afite icyizere ku bwishingizi buzamugoboka.

Umunyamabanga nshingwabikorwa w'umurenge wa Masaka Nsengiyumva Vincent araburira abaturage kujya bita ku miterere y'insinga z'amashanyarazi kandi bagashaka ubwishingizi bw'ibyabo.


Imashini 12 zisya imyumbati n'ibinyampeke nizo zamenyekanye, hakabba hanabaruwe toni zigera kuri 50 z'imyumbati yumye n'imodoka yari hafi y'ahabereye impanuka yahiye igice cy'imbere cyayo.


Inkuru ya John BICAMUMPAKA



Ba uwambere gutanga igitekerezo

Tanga igitekerezo:



RSS FEED