Ibibazo bigaragara mu guhererekanya ubutaka bigiye gukemurwa mu mezi abiri - Minisiteri y'Ibidukikije

AGEZWEHO

  • BNR yazamuye igipimo cy’inyungu iheraho inguzanyo banki z’ubucuruzi – Soma inkuru...
  • Abatega bava cyangwa bajya mu Mujyi wa Kigali barataka kubura imodoka – Soma inkuru...

Ibibazo bigaragara mu guhererekanya ubutaka bigiye gukemurwa mu mezi abiri - Minisiteri y'Ibidukikije

Yanditswe Jul, 28 2022 20:30 PM | 37,601 Views



Minisiteri y'Ibidukikije iravuga ko bitarenze amezi 2 ibibazo bigaragara mu guhererekanya ubutaka bizaba byakemuwe. Ibi byatangajwe ubwo Minisitiri w’ibidukikije yatangaga ibisubizo mu magambo ku ngamba minisiteri iteganya zo gukemura ibibazo bikigaragara mu micungire y’ubutaka mu nteko rusange y'Umutwe w'Abadepite.

Bimwe mu bibazo inteko ishinga amategeko yasabye ko Minisitiri w'Ibidukikije yatangaho ibisubizo mu magambo birimo kuba nta genamigambi ku mikoreshereze y'ubutaka, itangwa rya serivisi z'ubutaka ritanoze, ihuzwa ry'ubutaka ritazwi no ku bibazo byagaragaye bijyanye no kurengera ibidukikije byo mu turere tw’ubuhumekero tw’ibiyaga n’imigezi mu Rwanda. 

Ku bibazo bijyanye n'uturere tw'ubuhumekero tudafashwe neza, abaturage bo mu murenge wa Rubona Akarere ka Rwamagana baherutse kuganira na RBA, bayigaragarije ko bafite ikibazo ku mikoreshereze ya metero 50 zasizwe mu rwego rwo kurengera ikiyaga cya Mugesera.

"Noneho haza itegeko ryo kurengera ibiyaga mu Rwanda, ubwo bakuraho metero 50 zo kurengera ikiyaga ubwo nyuma ntitwongera kuhahinga hararara, ubwo nyuma haza umuntu arahahinga, ahingamo inyanya, ibishyimbo, pavUro ndetse n'itabi tubona ko ikibazo dufite nuko babungabunga ikiyaga cya Mugesera cyangwa bakadusubiza ikiyaga cyacu."

Bamwe mu bagize inteko ishinga amategeko bagaragaje ko hari ibibazo ku micungire y'ubutaka bikwiye gushakirwa ibisubizo.

Minisitiri w'ibidukikije Jeanne d'Arc Mujawamariya avuga ko ku bufatenye n'inzego zitandukanye ibi bibazo bigiye gukemuka.

Minisitiri w'ibidukikije kandi avuga ku ikibazo cy'amafaranga yakwa abashaka guhererekanya ubutaka abadepite bagaragaje ko ikiguzi kiri hejuru asobanura ko bitarenze amezi abiri iki kibazo kizaba cyahawe umurongo.

Inteko rusange rusange y'umutwe w'abadepite yanyuzwe n'ibisubizo Minisitiri w'Ibidukikije yatanze mu magambo ku bibazo by'imicungire y'ubutaka, no ku bibazo byagaragaye bijyanye no kurengera ibidukikije byo mu turere tw’ubuhumekero tw’ibiyaga n’imigezi mu Rwanda.




Ba uwambere gutanga igitekerezo

Tanga igitekerezo:



RSS FEED

Amajyepfo: Isuri itwara toni 428 z'ubutaka kuri hegitari buri mwaka

Abasenateri basabwe kurushaho kwegera abaturage hagamijwe kumenya uruhare bagira

Kigali: Abatega imodoka rusange barinubira umwanya munini bamara ku byapa no mur

Abagurisha ibikoresho by'ikoranabuhanga byakoze bazajya babanza gutanga imy

Abakorera n’abagenda i Nyabugogo barasaba ko imirimo yo kwagura ikiraro cy

Perezida wa Sena yasuye imishinga y'iterambere mu Karere ka Bugesera