Yanditswe Apr, 04 2016 12:53 PM | 6,332 Views
Kuri uyu wa 1 Ladislas Ntaganzwa nibwo yitabye urukiko
rw'ibanze rwa Nyarugunga, kugira ngo atangire kuburana ku byaha akekwaho
birebana na jenoside. Uyu mugabo aherutse koherezwa na Leta ya Kongo Kinshasa
ngo aburanishwe n'u Rwanda nyuma yo gutabwa muri yombi kuko yashakishwaga
n'ubutabera mpuzamahanga.
Ahagana saa yine n'igice nibwo yageze ku rukiko rw'ibanze rwa Nyarugunga aho yitabye ari kumwe n'umwunganizi we mu by'amategeko.
Ntaganzwa Ladislas yasomewe ibyaha akurikiranyweho ari byo icyaha cya jenoside, gushishikariza abandi gukora jenoside, ubwicanyi, kurimbura imbaga no gusambanya ku gahato. Ibyaha yakoze mu mwaka w'1994 ubwo yari burugumestiri wa komini Nyakizu mu cyahoze ari Perefegitura ya Butare.
Muri ibi byaha byose aregwa yavuze ko yifashe. Mu nteruro imwe gusa yagize ati: "ibyo byose ndegwa ntacyo nshaka kubivugaho". Ladislas Ntaganzwa waburanaga ifungwa n'ifungurwa ry'agateganyo ubushinjacyaha bwasabye ko yafungwa iminsi 30. Urukiko rwavuze ko ruzatangaza umwanzuro kuri ubu busabe ku itariki 06 z'uku kwezi kwa 4.
Ku itariki 20 z'ukwezi gushize ni bwo Loni yashyikirije u Rwanda uyu mugabo ukekwa kuba yarakoreye ibyaha bya genocide mu ntara y'amajyepfo, mu cyahoze ari komini Nyakizu yanabereye burugumesitiri kuva mu 1993 kugeza ahunze.
Urukiko rwapfundikiye urubanza ruregwamo Ladislas Ntaganda rwari rumaze hafi imyaka 4 ruburanishwa.
Jan 10, 2020
Soma inkuru
Kuri uyu wa Gatanu mu Karere ka Nyaruguru, umurenge wa Nyagisozi akagari ka Ryabidandi haburanishij ...
Jul 06, 2019
Soma inkuru