Yanditswe Jun, 23 2016 10:38 AM | 1,470 Views
Mu gihe mu gihugu cy'ubwongereza
hari amatora ya kamarampaka agamije kumenya niba iki gihugu kiguma cyangwa kiva burundu mu muryango w'ubumwe bw'uburayi, bamwe mu bongereza baba mu Rwanda
basanga igihugu cyabo kigumye muri uyu muryango byafasha ubukungu n'imibereho
myiza y'abatuye ubwongereza.
Nyuma y'imyaka 43
yari ishize Ubwongereza bwishyize hamwe n'ibindi bihugu mu muryango w'ubumwe
bw'uburayi, amwe mu mabwiriza agenga uyu muryango yatangiye kububera umutwaro.
Amwe muri yo ni uko mu mwaka w'2020 buri gihugu mu bigize umuryango w'ubumwe bw'uburayi kigomba kuba cyatangiye gukoresha ifaranga rihuriweho ariryo EURO, mu gihe ifaranga ry'iki gihugu (pound/livre sterling) rinagaragara nk'irifite agaciro kurusha iri faranga rya Euro.
Ikindi ni amategeko agenga imipaka, aho uyu muryango usaba ko buri muturage ukomoka muri ibi bihugu ashobora gutura mu gihugu ashaka kandi akahabona ibyangombwa nkenerwa nk'akazi n'ibindi, mu gihe iki gihugu gisanzwe gifite amategeko yacyo. Ibi byakuruye impaka mu bongereza.
Gusa bamwe mu Bongereza
batuye n'abakorera mu Rwanda bavuga ko kuguma muri uyu muryango ari ho basanga
hari inyungu ku gihugu cyabo.
Inkuru mu mashusho:
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru