AGEZWEHO

  • Minisitiri w'Intebe wa Chad yeguye – Soma inkuru...
  • Miliyari 2,8 Frw zashowe mu kwagura uruganda rw’imyenda i Burera – Soma inkuru...

Igisirikare cy’u Rwanda n’icy’u Bubiligi byiyemeje kunoza imikoranire

Yanditswe Apr, 08 2024 20:48 PM | 116,586 Views



Minisitiri w'Ingabo, Juvenal Marizamunda yakiriye mugenzi we w’u Bubiligi, Ludivine Dedonder, baganira ku kurushaho kwagura ubufatanye busanzwe buhuriweho n’impande zombi mu bya gisirikare.

Kuri uyu wa Mbere, tariki ya 8 Mata 2024, ni bwo Minisitiri w'Ingabo z'u Bubiligi, Ludivine Dedonder n'itsinda ayoboye ririmo Umugaba Mukuru w'Ingabo wungirije muri iki gihugu, Lt Gen Aviateur Frederik Vansina basuye Icyicaro Gikuru cy'Ingabo z'u Rwanda, bakirwa na Minisitiri w'Ingabo, Juvenal Marizamunda n'Umugaba Mukuru w'Ingabo z'u Rwanda, Gen Mubarakh Muganga.

Ibiganiro by’impande zombi byibanze ku ngingo zitandukanye zirimo no kwagura umubano usanzwe hagati y’igisirikare cy’u Rwanda n’icy’u Bubiligi.

Mbere y’inama yabahuje, aba bayobozi babanje kunamira abasirikare b’Ababiligi bishwe Jenoside yakorewe Abatutsi mu 1994 igitangira. Ni igikorwa cyabereye ku rwibutso rwabo ruri ahahoze hitwa Camp Kigali.

Kuri uyu munsi ni bwo Guverinoma y’u Bubiligi n’iy’u Rwanda byibutse abasirikare b’Ababiligi 10 barindaga Uwilingiyimana Agatha wari Minisitiri w’Intebe, bishwe na Ex-FAR tariki ya 7 Mata 1994. Bishwe bagiye guherekeza Uwilingiyimana kuri Radiyo y’Igihugu, ubwo yari agiye gusaba Abanyarwanda gutuza no guhagarika ubwicanyi nyuma y’urupfu rwa Perezida Habyarimana Juvénal.

Iki gikorwa cyabaye nyuma y’ikindi cyo kwibuka abakozi ba Ambasade y’u Bubiligi bishwe muri Jenoside yakorewe Abatutsi.




Ba uwambere gutanga igitekerezo

Tanga igitekerezo:



RSS FEED

Minisitiri w'Intebe yashimye uruhare amashuri y'ubumenyi ngiro agira k

Perezida Kagame yakiriye Prof Murenzi umwarimu muri Kaminuza ya Worcester Polyte

Abanyeshuri bo muri Kaminuza y’u Rwanda bagiye kujya bigishwa indimi

Ingengo y’imari Leta ishyira mu kugaburira abana ku ishuri yikubye inshuro

Nyamasheke: Abanyeshuri basaga 900 bo ku ishuri rya Nyarutovu bamaze icyumweru b

Abana basaga ibihumbi 177 bataye ishuri: Hari gushakwa umuti w’iki kibazo

Guverinoma iri gucoca ibibazo bigaragara mu burezi

Gahunda yo kuzamura ireme ry’uburezi mu mashuri abanza imaze gushinga imiz