Inzobere zishima ko u Rwanda ruha umwanya urubyiruko muri Politiki

Inzobere zishima ko u Rwanda ruha umwanya urubyiruko muri Politiki

Yanditswe March, 13 2019 at 09:36 AM | 3291 Views



Umwiherero wa 16 wari ufite umwihariko wo kwitabirwa n'umubare munini w'abikorera kurusha uko byari bisanzwe, ibintu byanazamuye umubare w'urubyiruko rwawitabiriye. UWAMARIYA Assoumpta na Bucyana Patrick bawitabiriye ku nshuro ya mbere, bagaragaza ko ubutumire bahawe n'umukuru w'igihugu bwongeye gushimangira igihango urubyiruko rufitanye nawe ndetse n'igihugu muri rusange.

Inararibonye mu mateka y'imiyoborere y'u Rwanda, zivuga ko guha umwanya urubyiruko muri Politiki n'imiyoborere by'igihugu byamaze kuba umuco nk’uko binateganywa n'itegeko nshinga n'andi mategeko. Kuri Antoine MUGESERA ndetse na Rucagu Boniface, ngo imiyoborere n’imikorere nk’iyi ivoma mu muco w'abakurambere ni ingenzi ku gihugu.

RUCAGU Boniface agira ati "Nyakubahwa Perezida wa Repubulika Paul KAGAME muzi ko imiyoborere ye ishingira ku muco w'igihugu, ku muco w'u Rwanda. Na kera kose mbere y'abakoloni niyo mpamvu wabonaga urubyiruko rujya mu itorero rugatozwa rukajya ku rugerero, rukajya mu mihigo kugirango rugaragaze ko ruzasigarana igihugu neza."

Ubwo yatangizaga umwiherero wa 16 w'abayobozi mu nzego zitandukanye mu gihugu, Perezida wa Repubulika Paul KAGAME yibukije urubyiruko kuzirikana inshingano rufite ku gihugu bityo rukaba rugomba kuzuzanya n'ibindi byiciro by'abanyarwanda.

Ku munsi wa nyuama w'uyu mwiherero, umukuru w'igihugu kandi yagaragaje ko umubare w'urubyiruko rwitabira umwiherero uziyongera. Kuri ubu umuto mu bagize guverinoma afite imyaka 31 y'amavuko naho umukuru akagira hejuru ya 60.




Ba wambere gutanga igitekerezo

Tanga igitekerezo:



RSS FEED

Ikipe y'u Rwanda yegukanye imidali ibiri muri Ethiopia

UBUSESENGUZI: ABANYARWANDA BARUSHAHO KUGIRA IMIBEREHO MYIZA

IMBUTO FOUNDATION YAHEMBYE ABANA B’ABAKOBWA BATSINZE NEZA

Rwanda marks Pi Day for the 2nd time

Mu kirere cy’u Rwanda hakumiwe indege za Boeing 737-8 Max

Uganda must address fundamental issues raised by Rwanda