Itorero Angilikani ryafunguye ku mugaragaro kaminuza

Itorero Angilikani ry’u Rwanda, kuri uyu wa Kabiri, ryatangije ishuri rikuru, East African Christian College. Iri shuri ritangiranye abanyeshuri 200 kuri 250 bateganyijwe kwiga mu ishami rya tewolojiya. Iri shuri rikuru ryemejwe n’inama y’abaminisitiri mu Kuboza 2020.

Kimwe mu bibazo iri shuri rije gukemura harimo icy’abayobozi b’amatorero benshi badafite impamyabumenyi muri tewolojiya nyamara ari byo basabwe na Leta. Nyuma hateganyijwe no gutangiza andi mashami arimo ay’uburezi, ubukungu, ubuforomo n’ububyaza.