Yanditswe Jan, 08 2023 18:45 PM | 5,218 Views
Ubuyobozi bw’Akarere ka Karongi bwatangaje ko ubwato bukozwemo hoteli y'inyenyeri eshanu (5) bwubakwaga mu kiyaga cya Kivu muri aka karere bwamaze kuzura ku buryo niba nta gihindutse buzatangira gutanga serivisi muri uku kwezi kwa mbere 2023.
Ni ubwato bwubatswe mu buryo bumeze nk’inzu zigerekeranye.
Bufite metero zisaga 20 z'uburebure, burimo hoteli yo ku rwego rw'inyenyeri 5 igizwe n’ibyumba 10 nabyo birimo 2 byo ku rwego rwa VIP, ubwogero (piscine), igikoni, akabari, restaurant n'aho abantu bakorera siporo.
Umuyobozi wungirije w’Akarere ka Karongi ushinzwe iterambere ry’ubukungu Niragire Theophile asobanura ko uyu ari umushinga witezweho inyungu ndetse biteganyijwe ko igice cya mbere kigiye gutangira muri uku kwezi kwa Mutarama 2023.
Ni inkuru yakiriwe neza n'abatuye, abavuka n’abagenda mu karere ka Karongi bakenera cyangwa batanga serivise z’ubukerarugendo.
Sosiyete Afrinest yubaka ubu bwato isobanura ko ikigamijwe ari uguha ba mukerarugendo basura uturere dukora ku kiyaga cya Kivu amahitamo anyuranye.
Abashinzwe kubaka ubu bwato basobanura ko bwagombaga gutangira gutanga serivisi mu mpera z’umwaka ushize.
Umuyobozi wungirije w’Akarere ka Karongi ushinzwe iterambere ry’ubukungu Niragire Theophile avuga ko uyu ari umushinga munini uzakomeza.
Kubaka ubu bwato byatangiye muri 2019 ariko imirimo yo kubwubaka yaje gukomwa mu nkokora n’icyorezo cya COVID19.
Ni ubwato bwitezweho guteza imbere ubukerarugendo no guteza imbere ubucuruzi bwambukiranya impipaka.
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru
Rubavu: Abarokotse Jenoside baravuga ko ubuvuzi bahawe na Leta bwatumye bagarura icyizere
Apr 16, 2024
Soma inkuru