Kigali: Habereye amarushanwa y'imibare yitabiriwe n'abaturutse mu bihugu 32

Urubyiruko rw'Ibihugu bigera kuri 32 byo ku mugabane wa Afurika biteraniye i Kigali mu marushanwa y'isomo ry'imibare yiswe Pan African Mathematics Olympiad.

Ni amarushanwa agamije gukangurira no guteza imbere urubyiruko rwo muri Afrika kugira uruhare mu gukemura ibibazo byugarije uyu mugabane binyuze mu ikoreshwa ry'imibare, kwiga uko iyi mibare yakwifashishwa kuzana impinduka zikenewe no guteza imbere ubumwe bwa Afurika muri rusange.

Abaye ku nshuro ya 30 akaba ari ubwa mbere abereye mu Rwanda.

Yitabiriwe n'urubyiruko rwiga mu mashuri yisumbuye ndetse bikaba biteganyijwe ko azamara iminsi 7.

Aya marushanwa yitabiriwe n'abanyeshuri baturutse mu bihugu 32 byo ku mugabane wa Afurika. Photo: MINEDUC

Minisitiri w'Uburezi Dr. Valentine Uwamariya yitabiriye umuhango wo gutangiza aya marushanwa. Photo: MINEDUC

Olive Ntete