Ku munsi wa mbere, abantu 100 bipimishije ku bushake COVID19 biyishyuriye

Kuri uyu wa Kabiri, Ikigo cy'Igihugu gishinzwe ubuzima (RBC) cyatangije gahunda yo gupima COVID19 abantu bose babyifuza bakanahabwa icyemezo kigaragaza uko ubuzima bwabo buhagaze,ku ikubitiro abagera ku ijana bakaba bapimwe nyuma yo kwiyishyurira ikiguzi cy'ikizamini bakorewe.

Ku ikubitiro abitabiriye ubu buryo ni abanyamahanga bashaka gusubira mu bihugu byabo, Abanyarwanda bifuza kujya mumahanga ,abakerarugendo. Uwifuza gupimwa muri ubu buryo asabwa kwishyurA amafaranga ibihumbi 47.200 ahwanye n'amadolari y'Amerika 50. Bamwe mu bitabiriye iki gikorwa bahamya ko kije bagikeneye.

Uku gupima bije mu gihe, bitagenyijwe ko tariki ya mbere Kanama uyu mwaka ikirere cy'u Rwanda kizongera kwakira ingendo mpuzamahanga. RBC ivuga ko u Rwanda rwiteguye mu buryo buhagije bujyanye no kugenzura uje cyangwa usohotse mu gihugu yaba adafite icyorezo.

Ku rundi ruhande ariko Ishami ry’Umuryango w’Abibumbye ryita ku Buzima (OMS) ryashyize  u Rwanda mu bihugu 5 ku isi  byahanganye n'icyorezo cya COVID19 ku buryo byatanze umusaruro. Ni mu gihe kandi u Rwanda ruri mu bihugu 15 abaturage babyo bemerewe kuba bakorera ingendo bigize Umuryango w'ibihugu by'i Burayi.