Kwegerezwa ‘Poste de Santé byatumye ntawukirembera mu rugo

AGEZWEHO


Kwegerezwa ‘Poste de Santé byatumye ntawukirembera mu rugo

Yanditswe June, 27 2019 at 13:58 PM | 4042 Views



Bamwe mu baturage bo mu Karere ka Gisagara bavuga ko amavuriro azwi ku izina poste de santé yatumye batakirembera mu rugo. Bakavuga ko batarayegerezwa ngo byabasabaga gukora urugendo rurerure bajya ku bigo nderabuzima.

Kuri uyu wa Kane, Minisitiri w’Ubuzima,  Dr Gashumba Diane ari kumwe na Guverineri w’Intara y’Amajyepfo ndetse n’ubuyobozi bw’Akarere ka Gisagara batashye ku mugaragaro amavuriro 3 yubatswe mu mirenge itandukanye.

Aka karere kishimira kuba uyu mwaka w'imihigo 2018-2019 urangiye kubatse Poste de Santé 47 ziri mu tugari 59. Utugari tutubatswemo aya mavuriro ngo hasanzwemo ibigo nderabuzima ndetse n’ibitaro.

 Kuba aya mavuriro  yariyongereye, Umuyobozi w'Akarere ka Gisagara Rutaburingoga Jérôme avuga ko byafashije guteza imbere ubuvuzi n'imibereho myiza y'abaturage bunagabanya impfu z'ababyeyi n'abana bapfa babyara. 

Gusa ngo kugira ngo aya mavuriro abashe gutanga serivsi nziza, uyu muyobozi yasabye Minisitiri w’Ubuzima kuzabakorera ubuvugizi kugira ngo serivisi  zihatangirwa  ziyongere, kuburyo banabasha,  byumwihariko, aya mavuriro akaba yakwakira  ababyeyi babyara.

                                    Imwe muri poste de santé zafunguwe ku mugaragaro




Ba wambere gutanga igitekerezo

Tanga igitekerezo:



RSS FEED