MINALOC yasabye abahabwa ubufasha mu kurwanya igwingira mu bana kubukoresha uko bikwiye

AGEZWEHO

  • Urubyiruko rw'abanyeshuri mu marushanwa ajyanye n'inama ya CHOGM – Soma inkuru...
  • Louise Mushikiwabo agiye kugeza umuganda mu bihugu byose bigize OIF – Soma inkuru...

MINALOC yasabye abahabwa ubufasha mu kurwanya igwingira mu bana kubukoresha uko bikwiye

Yanditswe May, 11 2022 18:39 PM | 100,896 Views



Minisiteri y’Ubutegetsi bw’Igihugu yasabye abahabwa ubufasha mu kurwanya imirire mibi n’igwingira mu bana kubukoresha uko bikwiye, kandi bakirinda ku bugurisha hagamijwe guhangana n’iki kibazo gikomeje kugariza umuryango.

Kamanayo, umuturage wo mu Murenge wa Ngeruka afite imyaka 45, we n’umugore bamaze kugira imbyaro 10 ariko abana bariho ni 8. 

Uku kubyara indahekana byatumye hari umwana uhura n’ikibazo cy’imirire mibi ajya mu ibara ry’umuhondo, kuri uyu muryango kandi bahabwaga Ifu ya Shisha kibondo igenewe umwana umwe ariko umuryango wose ukayisangira.

Bavuga ko muri iki gihe ntawe ukwiriye ku byara abana benshi cyangwa ngo afate nabi shisha kibondo ahabwa, kuko biri mu byongera igwingira.

Ku kigo nderabuzima cya Ngeruka uhasanga ababyeyi baje gufata ifu ya shisha kibondo n’amata, bamwe muri aba babyeyi iyo babigejeje mu rugo usanga nabyo babisangira n’imiryango yabo, bigatuma intego byari bigamije zitagerwaho.

Umukozi ushinzwe imirire muri iki kigo nderabuzima, Solantine Mukamurigo avuga ko umubyeyi umaze guhabwa ubu bufasha akurikiranwa n’abajyanama b’ubuzima, bakamenya uburyo abukoresha n’ubwo hakirimo inzitizi.

Mu mwaka wa 2015, Akarere ka Bugesera kari gafite 39,4% by’ingwingira mu bana bari munsi y’imyaka 5, kuri ubu gahagaze kuri 26,1% by’igwingira.

Umunyamabanga wa Leta muri Minisiteri y’Ubutegetsi bw’Igihugu, Ingabire Assoumpta avuga ko abahabwa ubu bufasha bwo kurwanya igwingira n’imirire mibi mubana bakabukoresha nabi, bari mubatiza umurindi iki kibazo, bagakoma mu nkokora gahunda ya Leta.

Mu mwaka wa 2015 igwingira mu bana bari munsi y’imyaka 5, ryari ku kigero cya 38%.

Uyu mubare waragabanutse kuko muri 2020 ryari rihagaze kuri 33%, intego ni uko muri 2024 igwingira rizagera kuri 19%, leta ikaba yarashyizemo imbaraga nyinshi.


Jean Paul Turatsinze




Ba uwambere gutanga igitekerezo

Tanga igitekerezo:



RSS FEED

Abasirikare ni abenegihugu nk’abandi ntibakwiye guhezwa mu bigiteza imbere

U Bubiligi bwahaye u Rwanda inkunga ya Miliyari 18 Frw yo guteza imbere abagore

Abanyeshuri b'abanyamahanga biga muri UNILAK baravuga ko Jenoside yakorewe

Dr Biruta yagiranye ibiganiro n’abayobozi mu Bwongereza barimo uw’Ub

Abatuye muri Nyabihu baravuga ko batishimiye umuvuduko bariho mu kugabanya igwin

U Rwanda rurateganya gukoresha miliyari 4,650 muri 2022/2023