MINECOFIN yamurikiye inteko imbanzirizamushinga y'ingengo y’imari 2018/2019

AGEZWEHO

  • Minisitiri Busingye yaburiye abakomeje kurangwa n’ingengabitekerezo ya Jenoside – Soma inkuru...
  • Amafoto: Mufti w'u Rwanda yasabye Abayislamu kwirinda ubusabane mu guhangana na Covid-19 – Soma inkuru...

MINECOFIN yamurikiye inteko imbanzirizamushinga y'ingengo y’imari 2018/2019

Yanditswe Apr, 30 2018 22:25 PM
34,069 Views



Minisitiri w’imari n’igenamigambi Dr. Uzziel Ndagijimana yagaragarije abagize inteko ishinga amategeko imbanzirizamushinga y’itegeko rigena ingengo y’imari y’umwaka wa 2018/2019 izaba ingana na miliyari 2,443.5. Ikigaragara muri uyu mushinga ni uko u Rwanda rugeze ku gipimo cya 62% rwihaza mu ngengo y'imari.

Ingengo y’imari y’umwaka utaha wa 2018/2019 izaba ifite agaciro ka miliyari ibihumbi 2,443.5 ikaba yariyongereyeho miliyari 328.5 ni ukuvuga 23% ugereranyije n’ingengo y’imari y’uyu mwaka ugana ku musozo. Amafaranga azava imbere mu gihugu biteganyijwe ko azaba ari miliyari 1,508.7 ni ukuvuga 62% by’ingengo y’imari yose igihugu kizakoresha mu mwaka utaha. 

Ministiri Dr. Uzziel Ndagijimana yabwiye abagize inteko ishinga amategeko imitwe yombi ko u Rwanda rurimo gutera intambwe igaragara mu kwigira kuko igipimo cy’amafaranga aturuka hanze y’u Rwanda afasha ingengo y’imari atagishingirwaho cyane hategurwa ingengo y’imari.

Muri rusange igice kinini cy’amafaranga y’ingengo y’imari y’umwaka utaha kingana na miliyari 1.305.7 kizashyirwa mu ngengo y’imari isanzwe mu gihe amafranga agera kuri miliyari 897.1 azashorwa mu mishinga y’iterambere naho miliyari 199 zikoreshwe mu ishoramari rya leta ririmo kubaka ikibuga cy’indege cya Bugesera no kwagura ingendo za Rwandair hirya no hino ku isi. 

Abagize inteko ishinga amategeko babajije impamvu ingengo y’imari yagenewe ibikorwa by’iterambere ikomeje gushyirwa mu bikorwa ku gipimo cyo hasi cyane, bagaruka ku mishinga itarangira indi ikadindira. Bagaragaje kandi impungenge batewe n’ihindagurika ry’ikirere rikomeje kwangiza ibikomoka ku buhinzi bakibaza ikizatuma umusaruro w’ubuhinzi uzamuka muri uyu mwaka. 

Umushinga w’itegeko rigena umushinga w’ingengo y’imari y’umwaka utaha wa 2018/2019 uzatangazwa kandi wemezwe n’inteko ishinga amategeko imitwe yombi mu kwezi kwa 6 uyu mwaka ubwo hazaba hasozwa umwaka w’ingengo y’imari 2017/2018 igana ku musozo: kugeza mu kwezi kwa 12 mu mwaka wa 2017 hari hamaze gukoreshwa miliyari 960.3 harimo ayashyizwe mu ngengo y’imari isanzwe n’ay’ibikorwa by’iterambere.



Ba uwambere gutanga igitekerezo

Tanga igitekerezo:



RSS FEED

Ingengo y'imari y'u Rwanda ishobora kwiyongeraho 10% umwaka utaha-MINE

Banki y’Isi yahaye u Rwanda inkunga ya miliyoni 30$ yo kurwanya Covid-19

Dr Ndagijimana asanga ikoranabuhanga mu mitangire y’amasoko ya leta ari ig

MINECOFIN itangaza ko kubera COVID19 imisoro yari iteganyijwe izagabanukaho mili

Ni iki cyateye igabanuka ry’amafaranga yinjizwa n’amabuye y’ag

U Rwanda rwahawe inguzanyo ya miliyoni 20 $ yo gukwirakwiza amazi