Yanditswe Jul, 21 2020 08:01 AM | 28,748 Views
Nyuma yaho muri kasho zitandukanye hagaragaye abarwayi b'icyorezo cya COVID19, Minisiteri y'Ubuzima iravuga ko nta muntu n'umwe uzongera kwinjira muri kasho atabanje gupimwa ndetse n'abazirimo bose bakaba bagomba gupimwa mu rwego rwo gukumira ikwirakwira ry'icyo cyorezo.
Ikibazo cy'ubwandu bwa koronavirusi muri za kasho
cyagaragaye bwa mbere i Nyakarambi mu Karere ka Kirehe, ndetse tariki 29
z'ukwezi gushize kwa Kamena, Minisiteri y'Ubuzima yemeza ko mu barwayi bashya
101 babonetse uwo munsi, harimo 72 bo muri kasho mu Karere ka Ngoma.
Ku matariki ya 7, iya 8 iya 10, 11 na 12 z'uku kwezi kwa Nyakanga, mu Mujyi wa Kigali mu kigo kinyurwamo by'igihe gito naho hagaragaye abarwayi bashya. Mu gihe tariki 10 habonetse 17 muri kasho y'Akarere ka Nyabihu.
Ni ikibazo Minisitiri w'Ubuzima Dr. Daniel Ngamije avuga ko cyahagurukiwe n'inzego z'ubuzima k'ubufatanye n'izindi nzego.
Ku rundi ruhande ariko, Minisitiri Ngamije agaragaza imiterere y'iki cyorezo nk'ihurizo ku nzego z'ubuzima mu rugamba rwo
kucyirandura mu byiciro binyuranye cyamaze kugeramo.
Nubwo inzego zitandukanye zikora ibishoboka byose
ngo ikibazo cy'ubwandu bwa koronavirusi muri za kasho kirangire, Umuvugizi wa
Polisi y'u Rwanda CP John Bosco Kabera, avuga ko umuti urambye ari uko buri
wese yakwirinda iki cyorezo ndetse no kugwa mu makosa n'ibyaha bya hato na
hato.
Inzego z'ubuzima zivuga ko zikomeje
ubushakashatsi ku buryo iki cyorezo cyifashe muri za kasho kimwe no mu bindi
byiciro n'amatsinda y'abantu atandukanye.
Inkuru irambuye
Kuki Intara y'Amajyaruguru ikomeje kugaragaramo ibipimo biri hejuru mu bana bafite imirire mibi ...
Mar 27, 2024
Soma inkuru
MINEMA yasobanuye uko ikomeje gufasha abibasiwe n'ibiza biheruka kwibasira uduce tumwe tw' ...
Mar 27, 2024
Soma inkuru
Abanyamategeko 188 barangije amasomo y'Ubuhuza basabwe kugabanya umubare w'Imanza mu Nkiko
Mar 27, 2024
Soma inkuru
Bugesera: Abaturage basaga ibihumbi 40 bahawe amazi meza
Mar 27, 2024
Soma inkuru
Leta yatangiye kubarura inyubako zayo zidakorerwamo kugira ngo zibyazwe umusaruro
Mar 27, 2024
Soma inkuru
Asaga miliyari 417 Frw yashyizwe muri gahunda zo gufasha abarokotse Jenoside mu myaka 30
Mar 27, 2024
Soma inkuru
Haba hari umuti urambye wa gatanya zishingiye ku mitungo?
Mar 27, 2024
Soma inkuru
Perezida Kagame yakiriye abanyeshuri n’abarimu ba Kaminuza ya Stanford
Mar 26, 2024
Soma inkuru