AGEZWEHO

  • Sena ihangayikishijwe n'impanuka zo mu muhanda zikomeje kwica benshi – Soma inkuru...
  • Dr Sabin Nsanzimana yagizwe Minisitiri w'Ubuzima – Soma inkuru...

Minisitiri Gatabazi yasabye abayobozi muri Muhanga gukora ibyo bashinzwe badakorera ku jisho

Yanditswe May, 19 2021 12:45 PM | 19,357 Views



Minisitiri w’Ubutegetsi bw’Igihugu, Jean Marie Vianney Gatabazi yasabye abayobozi mu karere ka Muhanga kuzuza inshingano zabo neza, bagakorana umwete badakorera ijisho, kandi bakajya bagira umwanya wo kwisuzuma bareba aho bavuye n'aho bageze.

Ibi yabigarutseho kuri uyu wa Gatatu, ubwo yatangiraga uruzinduko rw'iminsi ine mu Ntara y'Iburengerazuba.

Mu nzira yerekeza mu Ntara y'Iburengerazuba, Minisitiri Gatabazi ari kumwe na Guverineri w’Intara y’Amajyepfo, Alice Kayitesi, yabanje guhura n'abakozi n'abayobozi b'akarere ka Muhanga.

Yabasabye kunoza serivise, guteza imbere Umujyi wa Muhanga; Kudakorera ku jisho no  kwitangira abaturage.

Yasuye by'umwihariko ibikorwaremezo birimo imihanda n'ibiraro byagiye byangizwa n'ibiza. 

Mu ho yasuye harimo umuhanda wa kaburimbo uva mu Karere ka  Muhanga werekeza mu Karere ka Ngororero,umuhanda wangirikiye ahitwa Muhororo. 

Hari kandi umuhanda uva Ngororero ujya Rutsiro wangirikiye aho bita Nyabuhoro. Ni ibikorwaremezo abaturage bavuga ko kuba byarangiritse bikomeje kubagiraho ingaruka zikomeye kuko byahagaritse ubuhahirane n'utundi duce, kugeza ibicuruzwa byabo ku masoko ndetse no gukora ingendo bikaba bikomeje kubagora cyane.

Ibi niko bimeze kandi  ku baturage baturiye ikiraro cya   cya Satinsyi  mu Murenge wa Kageyo, ikiraro kimaze amezi atatu gicitse. 

Ni ikiraro  cyari cyarangiritse bwa mbere mu mwaka  wa 2018  nyuma yo gusanwa na RTDA kirongera kirangirika, kuri ubu abaturage bakoreshaga icyo kiraro bambuka amazi  n'amaguru abandi bagasaba bagenzi babo kubaheka, ibintu bavuga ko bibabangamiye cyane ingendo z'ibinyabiziga birimo n'ibyatwaraga imyaka zo zarahagaze burundu. 

Kwangirika kw'ibyo bikorwaremezo ngo byatewe n'imvura nyinshi yaguye muri aka gace k'imisozi miremire. 

Minisitiri Gatabazi  yabwiye inzego bireba ko imbaraga zigomba gushyirwa mu gukumira ibiza bituma imihanda n'ibiraro byangirika, gusana mu gihe cya vuba ibyangiritse kuko aribyo bizatuma abaturage basubira mu buzima busanzwe,bongera  guhahirana nkuko byari bimeze mbere.




Ba uwambere gutanga igitekerezo

Tanga igitekerezo:



RSS FEED

Muhanga: Hakenewe umushinga munini wo kuvana ingo 4600 mu manegeka

Ndayisaba utuye i Muhanga yagaragaje ubuhanga afite mu gukora robots

Imiryango 560 muri Muhanga yemerewe uburenganzira bwandikwa mu bitabo by’i

Abaturage 123 bo muri Muhanga bemerewe kongera kwandikwa mu bitabo by'irang

Isura nshya ya Muhanga na Huye kubera imihanda ya kaburimbo

Muhanga: Amabuye adasanzwe akorwamo imitako, intego ni ugukora amakaro