Minisitiri w’Intebe Dr Ngirente yahagarariye Perezida Kagame mu gusezera Mwai Kibaki

AGEZWEHO

  • Kwibohora28: Intambwe yatewe mu buhinzi mu myaka 28 – Soma inkuru...
  • Kwibohora28: Ishusho y'ubukungu bw'u Rwanda 28 ishize – Soma inkuru...

Minisitiri w’Intebe Dr Ngirente yahagarariye Perezida Kagame mu gusezera Mwai Kibaki

Yanditswe Apr, 29 2022 17:10 PM | 140,119 Views



Minisitiri w'Intebe, Dr Edouard Ngirente kuri uyu wa Gatanu yahagarariye Perezida Kagame mu muhango wo gusezera uwahoze ari Perezida wa Kenya Mwai Kibaki, ni umuhango witabiriwe n’ibihumbi by’Abanya-Kenya ndetse n’abamwe mu bakuru b’ibihugu byo mu karere.

Uyu muhango witabiriwe n’abanya-Kenya b'ingeri zose n’inshuti zabo, abadiplomates banyuranye bakorera muri iki gihugu, ndetse na bamwe mu bakuru b’ibihugu byo mu karere.

Minisitiri w'Intebe w’u Rwanda, Dr Edouard Ngirente niwe wahagarariye  Perezida wa Repubulika, Paul Kagame muri uyu muhango wabereye kuri stade ya Nyayo mu murwa mukuru w’iki gihugu i Nairobi, guhera mu masaha ya mu gitondo cyo kuri uyu wa Gatanu.

Imyiyereko y’inzego zishinzwe umutekano iri mu byaranze uyu muhango mu rwego rwo guha icyubahiro Perezida Kibaki, ndetse n’igitambo cya misa cyaturiwe guherekeza uyu wahoze ari umuyobozi mukuru uzwiho guharanira iterambere ry’abaturage.

Perezida w’igihugu cya Kenya, Uhuru Kenyatta wayoboye umuhango wo gusezera kuri Mwai Kibaki, yibukije ko uyu muyobozi yashyize Kenya ku rwego rwo kwishimirwa na buri muturage w’umuny-Kenya bityo ngo umurage we ku gihugu ntuzigera wibagirana.

Mwai Kibaki yabaye perezida wa 3 wa Kenya akaba yarayoboye iki gihugu kuva mu mwaka wa 2003 kugeza mu mwaka wa 2013, yavutse mu mwaka wa 1931 atabaruka muri uku  kwezi kwa 4 uyu mwaka wa 2022 afite imyaka 90. 

Yari inzobere mu bukungu ndetse akaba yari yarashyizeho icyerekezo 2030 gikubiyemo cyane cyane ibirebana no kongera ibikorwaremezo mu gihugu cya Kenya, ibintu benshi bemeza ko agiye izi nzozi atangiye kuzikabya hagendewe ku muvuduko w’ibikorwaremezo bikomeje kubakwa muri iki gihugu kuri ubu.

Prezida Kibaki azashyingurwa kuri uyu wa Gatandatu, mu gace avukamo ka Othaya gahereye mu Majyaruguru ya Kenya.


Jean Claude Mutuyeyezu



Ba uwambere gutanga igitekerezo

Tanga igitekerezo:



RSS FEED

Umugaba w'Ingabo za Ghana mu ruzinduko mu Rwanda

Umuryango AVEGA-Agahozo uvuga ko mu minsi 100 yo kwibuka Jenoside intego bari bi

Imiryango 30 yo muri Muhanga yakemuriwe ikibazo cy’icumbi mu 2021-2022

Abavuga ko Gaz ihenze kurusha amakara babiterwa no kudasobanukirwa- Dr Mujawamar

Abanyarwanda baba muri Mozambique bakoze umuganda rusange mu kwizihiza umunsi wo

Bamwe mu baturage batewe impungenge n’imibare y’abandura Covid-19 it