Minisitiri w’Intebe Dr. Ngirente yakiriye itsinda ry’Abaminisitiri baturutse muri Angola

Kuri uyu wa Gatanu, Minisitiri w’Intebe Dr. Edouard Ngirente yakiriye itsinda ry’Abaminisitiri baturutse muri Angola riyobowe na Minisitiri w'Ububanyi n'Amahanga wa Angola, Amb. Téte António, wanamugejejeho ubutumwa Perezida João Lourenço yageneye Perezida Kagame.

Minisitiri kandi ushinzwe ububanyi n'amahanga muri Angola, yatanze raporo ku masezerano y'ubufatanye agera ku 9 yasinywe hagati y'u Rwanda na Angola.

Amwe mu masezerano yashyizweho umukono n'abaminisitiri batandukanye arimo imikoranire mu kuvanaho gusoreshwa inshuro 2, kohererezanya abanyabyaha, ubufatanye mu guteza imbere ubuhinzi n'ubworozi, imikoranire y'inzego z'ibanze, ubuzima, ubucukuzi bw'amabuye y'agaciro.

Minisitiri w'ububanye n'amahanga wa Angola avuga ko aya masezerano azafasha abaturage b'ibihugu byombi, kuko aya mazeserano atanga amahirwe y'urujya n'uruza rw'abaturage kuko abaturage batazajya babazwa visi mu gihe bashaka bashaka kujya Angola cyangwa abaturage ba Angola baje mu Rwanda.