Minisitiri w’Intebe ari muri Angola aho yitabiriye kurahira kwa Perezida Joao Lourenco

Minisitiri w’Intebe, Dr Edouard Ngirente ari i Louanda muri Angola aho yitabiriye umuhango wo kurahira kwa Perezida Joao Lourenco, urahirira kuyobora iki gihugu muri manda ya kabiri.

U Rwanda na Angola binasanganywe umubano ushingiye kuri dipolomasi, buri gihugu gifite ambasade mu kindi, mu kwezi kwa 7 muri uyu mwaka Guverinoma y’u Rwanda n’iya Angola byatangiye gushyira mu bikorwa amasezerano yo guca burundu gusoresha kabiri ku byerekeye imisoro ku musaruro. 

Abanyarwanda bajya muri Angola bakuriweho Visa.

Ishyaka rya Perezida João Lourenço rya MPLA ryatsinze amatora ryari rihatanyemo n’irya UNITA bihanganye kuva mu myaka myinshi ishize, ishyaka rya MPLA rya Lourenco niryo riyoboye igihugu kuva mu 1975 ubwo Angola yabonaga ubwigenge ibukuye kuri Portugal yari iyikolonije.