Minisitiri w’ingabo wa Botswana yagiriye uruzinduko rw’akazi mu Rwanda

Minisitiri w’ingabo wa Botswana, Kagiso Thomas Mmusi yagiriye uruzinduko rw’akazi mu Rwanda, aho kuri uyu wa Gatatu yahuye na Minisitiri w’ingabo w’u Rwanda, Maj Gen Albert Murasira ku kicaro gikuru cy’ingabo ku Kimihurura mu mujyi wa Kigali.

Ibiganiro byabo byibanze ku bufatanye bw’impande zombi mu by’umutekano.

Minisitiri Kagiso Thomas yatangaje ko impamvu nyamukuru y’uru rugendo, ari ukurushaho kunoza ubufatanye mu bya gisirikare hagati y’ibihugu byombi.