Ministre mushya w'ikoranabuhanga n'itumanaho n'uw'uburezi baharahiye mu nteko

Perezida wa republika Paul Kagame yakiriye indahiro z'abaministre bashya uw'uburezi n'uw'ikoranabuhanga n'itumanaho. Umukuru w'igihugu yabibukije ko imirimo bahawe bazayifatanya n'abandi kugirango barangize inshingano zabo neza.

Indahiro zakiriwe na Perezida wa republika ni iya ministre w'uburezi mushya Dr. Eugene Mutimura wari umushakashatsi mu birebana n'ubuzima, ndetse n'indahiro ya Rurangirwa Jean de Dieu, wakoreraga muri ministeri y'imari n'igenamigambi aho yari umuyobozi w'umushinga ukwirakwiza ikoranabuhanga mu micungire y'umutungo wa Leta.

Umukuru w'igihugu yibukije aba baministre bashya ko imirimo bajemo itagoranye kandi ko hari abiteguye gufatanya na bo. Yagize ati, "nk'ibisanzwe abo basanze twiteguye kunganirana no gufatanya nabo gukomeza gukorera igihugu cyacu tugiteza imbere nk'uko bisanzwe: ndagirango batumvako hari ibindi bishya bagiye guhura nabyo bigoye, ni imirimo yiyongereye gusa naho ubundi basanzwe bafite ibindi bakoraga, nagirango mbashimire nanone namwe imirimo mukora dukomeze gukorera igihugu cyacu.

Aba baminisitiri bashya barizeza ko iyi myanya bahawe bagiye kuyikoresha bakemura ibibazo biri muri minisiteri bahawe kuyobora.

Inkuru irambuye mu mashusho: