Mu kirere cy’u Rwanda hakumiwe indege za Boeing 737-8 Max

AGEZWEHO


Mu kirere cy’u Rwanda hakumiwe indege za Boeing 737-8 Max

Yanditswe March, 15 2019 at 09:17 AM | 4328 Views



Ikigo cy’igihugu gishinzwe iby’indege za gisivile cyafashe umwanzuro wo gukumira mu kirere cy’u Rwanda ubwoko bw’indege bwa Boeing 737-8 Max na 737-9 Max nyuma y’impanuka iheruka kubera muri Ethiopia igahitana ubuzima bw’abantu 157.

U Rwanda rwiyongereye ku rutonde rw’ibindi bihugu birimo Leta Zunze Ubumwe za Amerika, u Bushinwa, Singapore, Indonesia ndetse n’ibindi bigo byinshi by’indege byafashe umwanzuro wo gukumira ubu bwoko bw’indege.

Impanuka ya Boeing 737-8 Max ya Ethiopian Airlines yabaye ku cyumweru gishize ihitana abantu 157. Indi ndege y’ubu bwoko ya Lion Air Flight, Sosiyete yo muri Indonesia yahitanye ubuzima bw’abagenzi 189 mu Ukwakira umwaka ushize.

Ikigo cy’igihugu gishinzwe iby’Indege za gisivile, cyasohoye itangazo rimenyesha ‘Abapilote n’abandi bagenzura iby’indege za Boeing 737-8 Max na Boeing 737-9 Max kudakora urugendo na rumwe mu kirere cy’u Rwanda kuva aho iri tangazo risohokeye.

Cyavuze uyu mwanzuro uzakomeza gushyirwa mu bikorwa kugeza ubwo hazatangirwa andi amabwiriza mashya.



Ba wambere gutanga igitekerezo

Tanga igitekerezo:



RSS FEED

U Rwanda ruritabira inama ya G7 itangira kuri uyu wa Gatandatu

U Rwanda na Uganda mu masezerano agamije guhagarika ubwumvikane buke

U Buyapani bwemereye u Rwanda inguzanyo ya miliyoni 91$ yo kurwanya imirire mibi

SOS Children’s Village Rwanda yoroje abaturage inka 100 n’andi matun

Kuva 2018 urubyiruko 515 rwafashwe runyujijwe mu Rwanda rugiye gucuruzwa

Icyo abasesenguzi bavuga kuri Made in Rwanda imaze imyaka 4