Muri Nyagatare hagiye kubakwa ibagiro cy’Inka rifite agaciro ka Miliyari 1.2 Frw

AGEZWEHO

  • Kwibohora28: Intambwe yatewe mu buhinzi mu myaka 28 – Soma inkuru...
  • Kwibohora28: Ishusho y'ubukungu bw'u Rwanda 28 ishize – Soma inkuru...

Muri Nyagatare hagiye kubakwa ibagiro cy’Inka rifite agaciro ka Miliyari 1.2 Frw

Yanditswe Apr, 17 2022 15:07 PM | 30,909 Views



Abacuruza inyama mu karere Ka Nyagatare, barishimira ko barimo kubakirwa ibagiro ry’amatungo rya kijyambere rifite ubushobozi bwo kubaga inka 200 ku munsi mu gihe aho bakoreraga habagirwaga Inka 10.

Biteganijwe ko mu gihe kingana n'umwaka, iri bagiro rizuzura ritwaye miliyali 1.242 Frw.

Hashize ibyumweru bibiri ahazwi nka Mirama mu Murenge wa Nyagatare, hatangiye imirimo yo gusiza ikibanza cyizubakwamo ibagiro rishya rya kijyambere.

Ni ibagiro rizaba rifite ubushobozi bwo gutanga akazi ku bantu 50 barimo n'ababazi b'Inka, rikaba rifite kandi n’ubushobozi bwo kubaga Inka 200  n'Ihene zirenga 500 ku munsi.

Inka 27 zibagirwa mu karere ka Nyagatare kose zirangana na 20% by'ubushobozi bw'iri bagiro, aborozi bagahigira kongera uyu mubare cyane ko kuba batagiraga ibagiro rifatika byatumaga bashyira imbaraga mu bworozi bw’Inka zitanga umukamo gusa.

Mu bandi bakiranye ubwuzu iyubakwa ry'iri bagiro harimo abagurira akaboga mu mabusheri atandukanye ari mu mujyi wa Nyagatare.

Umunyamabanga nshingwabikorwa w’aka karere, Hategekimana Fred avuga ko iri bagiro niryuzura andi yose azahita afungwa, kandi ko nta nka izongera kuva muri ka karere ijya kubagirwa ahandi.


Maurice Ndayambaje




Ba uwambere gutanga igitekerezo

Tanga igitekerezo:



RSS FEED

Umugaba w'Ingabo za Ghana mu ruzinduko mu Rwanda

Umuryango AVEGA-Agahozo uvuga ko mu minsi 100 yo kwibuka Jenoside intego bari bi

Imiryango 30 yo muri Muhanga yakemuriwe ikibazo cy’icumbi mu 2021-2022

Abavuga ko Gaz ihenze kurusha amakara babiterwa no kudasobanukirwa- Dr Mujawamar

Abanyarwanda baba muri Mozambique bakoze umuganda rusange mu kwizihiza umunsi wo

Bamwe mu baturage batewe impungenge n’imibare y’abandura Covid-19 it