Nsabimana Callixte uzwi nka Sankara yeretswe itangazamakuru

AGEZWEHO


Nsabimana Callixte uzwi nka Sankara yeretswe itangazamakuru

Yanditswe May, 17 2019 at 09:17 AM | 4728 Views



Callixte NSABIMANA wamenyekanye cyane ku izina rya SANKARA wigambye ibitero byahungabanyije umutekano w'u Rwanda muri Nyungwe no mu tundi duce two mu Ntara y'Amajyepfo n'iy'Uburengerazuba, yeretswe itangazamakuru kuri uyu wa Gatanu tariki 17 Gicurasi 2019.


Nsabimana yerekanywe yambaye amapingu, afashwe n'abapolisi babiri. We ntacyo yatangaje, ahubwo umwunganizi mu mategeko we ni we waganirije itangazamakuru.

Uwunganira Sankara yabwiye itangazamakuru ko yitwa Moise Nkunda, avuga ko uwo yunganira afunzwe bikurikije amategeko kandi ko ibyo akenera byose abihabwa. Yabajijwe niba nta mpungenge atewe n'uru rubanza, avuga ko kunganira Sankara nta bwoba bimuteye kuko u Rwanda ari igihugu gikurikiza amategeko.

Umuvugizi w'Ubugenzacyaha, Modeste Mbabazi we yavuze ko nta kure kubaho ku butabera, ko uwashaka guhungabanya umutekano wese yafatirwa aho yaba ari ho. Yavuze ko ibyaha Sankara aregwa birimo ibyo guhungabanya umutekano n'ibyo we ubwe yagiye yigamba byo kurema imitwe yitwara gisirikare mu buryo butemewe n'amateko. Yavuze ko ibijyanye n'uko yafashwe n'aho yafatiwe biri mu bugenzacyaha, kandi ko bizatangazwa urubanza nirutangira.

Ubugenzacyaha bwavuze ko Sankara atifuje kugira icyo we atangaza, ahubwo ko umwunganizi we ari we wavuga mu cyimbo cye. 

Havuzwe ko Sankara yafashwe tariki 13 Mata 2019 kandi ko dosiye ye ishyikirizwa urukiko bitarenze kuri uyu wa Gatanu.

Inkuru ya Richard Irakoze | Amafoto: Plaisir Muzogeye



Ba wambere gutanga igitekerezo

Tanga igitekerezo:



RSS FEED

Urukiko rwanzuye ko Nsabimana Callixte azakomezwa gufungwa byagateganyo

Nsabimana Callixte wiyita Sankara araregwa ibyaha bigera kuri 16

Callixte NSABIMANA wiyita Sankara ari mu maboko y'inzego z'umutekano z