Yanditswe Jul, 06 2019 11:01 AM | 11,415 Views
Kuri uyu wa Gatanu mu Karere ka Nyaruguru, umurenge wa Nyagisozi akagari ka Ryabidandi haburanishijwe mu ruhame urubanza rwa Ladislas Ntaganzwa wahoze ari burugumesitiri wa komine Nyakizu ushinjwa ibyaha bya Jenoside yakorewe abatutsi mu 1994 n'ibindi byaha byibasiye inyoko muntu.
Ni urubanza ruburanishwa n'Urukiko Rukuru, urugereko rwihariye rushinzwe kuburanisha ibyaha mpuzamahanga n'ibyambukiranya imipaka.
Mu iburanisha humviswe abatangabuhamya bo ku ruhande rw'ubushinjacyaha.
Ni urubanza rwitabiriwe n'abaturage benshi biganjemo abari bahatuye mbere ya Jenoside.
Abatangabuhamya bose buyu munsi bashinje Ntaganzwa gutangiza ubwicanyi mu cyahoze ari Komini Nyakizu
Muri uru rubanza hari hateganyijwe kumva abatangabuhamya batatu bari batanzwe n'uruhande rw'ubushinjacyaha. Gusa kubera ubusabe bwa benshi mu bitabiriye uru rubanza bwo gushaka gutanga ubuhamya, urukiko rwahaye umwanya abandi batangabuhamya batandatu.
Abaturage bitabiriye urubanza
Aba batangabuhamya batandatu biyongereye kuri batatu bari batanzwe n’ubushinjacyaha bo babajijwe gusa n’urukiko hagamijwe kongera amakuru yakwifashishwa mu guca uru rubanza mu gihe aba batatu bo banahaswe ibibazo n’uruhande rw’ubushinjacyaha n’ubwunganizi.
Aba batangabuhamya bose bahuriza ku kuba Ladislas Ntaganzwa yaratangije ibitero harimo igitero cyishe Abatutsi bari bahungiye kuri paruwasi n’amashuri ya Cyahinda tariki 10 Mata 1994.
Mu batangabuhamya batatu ba mbere babajijwe n’ubushinjacyaha ndetse n’uruhande rw’ubwunganizi ibibazo bitandukanye ku birebana n’ubuhamya batanga.
Nyuma yo kumva abatangabuhamya urukiko rwiherereye rufata umwanzuro ko tariki 22 Nyakanga ari bwo urubanza ruzakomeza aho ruzaburashwa mu mizi cyane cyane humvwa uruhande rw’ushinjwa, aho urukiko rwabasabye kongera kwiga dosiye neza.
Ntaganzwa yari burgumesitiri w’iyari komini Nyakizu muri Perefegitura ya Butare.
Yazanywe mu Rwanda mu mwaka tariki 20 Werurwe 2016 afatiwe muri Republika Ihanira Demokarasi ya Kongo.
Urubyiruko rwavutse nyuma ya Jenoside rugeze he rwigishwa amateka yaranze u Rwanda?
Apr 24, 2024
Soma inkuru
Musanze: Hatangijwe igikorwa cyo gusuzuma kanseri y’inkondo y’umura ku bafite hagati y ...
Apr 24, 2024
Soma inkuru
Ingabo z'u Rwanda n’iza Jordanie zaganiriye ku kubyutsa imikoranire mu bya gisirikare
Apr 24, 2024
Soma inkuru
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru