PEREZIDA WA SENA ARASABA ABANYARWANDA KWISHAKAMO IBISUBIZO

Perezida wa Sena y’u Rwanda Honorable Bernard MAKUZA arasaba Abanyarwanda gusigasira umwimerere wabo wo kwishakamo ibisubizo. Ibi yabitangarije mu karere ka Musanze ubwo yifatanyaga n’abaturage bo mu murenge wa Gacaca mu gikorwa cy’umuganda ngarukakwezi wo gusoza ukwezi kwa Kane.

Muri uyu muganda abaturage bo mu kagari ka  Gasakuza bahanze umuhanda w’ibirometero bitatu n’igice, uhuza ibice binyuranye byo mu mudugudu wa Nyamugari.

Ni umuhanda ugiye gufasha abatuye iki gice kwegerezwa umuriro w’amashanyarazi kuko ariwo uzacishwamo ibikoresho by’amapoto na transformateur.

Abaturage bitabiriye ku bwinshi uyu muganda bagaragaza ko umuriro w’amashanyarazi bari bawunyotewe cyane.

Inkuru ya Pio MBARUSHIMANA