Perezida Kagame ari mu Bwongereza, aho yitabiriye umuhango wo gutabariza Umwamikazi Elisabeth II

Kuri iki Cyumweru Perezida wa Repubulika Paul Kagame yageze i London mu Bwongereza, aho yagiye mu muhango wo gutabariza Umwamikazi Elisabeth II.

Ibiro by'Umukuru w'Igihugu byatangaje ko, Perezida Kagame akigera muri iki gihugu yabanje kwandika ubutumwa bw'akababaro mu gitabo kiri mu nzu yitwa Lancaster House.

Umwamikazi Elizabeth II yatanze tariki 8 Nzeri uyu mwaka. Umuhango wo kumutabariza uzaba kuri uyu wa Mbere. Abakuru b’ibihugu bitandukanye baturutse mu bihugu byo hirya no hino ku isi bakaba bamaze kugera mu Bwongereza.