Perezida Kagame avuga ko ubushake bw’u Bufaransa butanga icyizere

Perezida Kagame avuga ko ubushake bw’u Bufaransa butanga icyizere

Yanditswe April, 09 2019 at 07:42 AM | 3960 Views



Mu kiganiro n'abanyamakuru kuri uyu wa mbere, Perezida wa Repubulika Paul Kagame yagarutse ku mubano w'u Rwanda n’u Bufaransa; avuga ko ubushake buhari butanga ikizere ko n'ibibazo bigihari bizakemuka.


Umukuru w’Igihugu yagaragaje ko kuba Perezida w'u Bufaransa Emmanuel Macron aherutse gushyiraho itsinda ry’impuguke umunani rigiye gusuzuma inyandiko u Bufaransa bubitse zifitanye isano na Jenoside yakorewe Abatutsi, iyi ari intambwe nziza.

Izi nyandiko ni izo hagati y’umwaka wa 1990 na 1994.

Perezida w’u Rwanda yavuze ko ibi bigaragaza ubushake bw'ubuyobozi buriho kuri ubu mu Bufaransa mu gukemura ikibazo kimaze iminsi kirebana n'uruhare rw'iki gihugu muri Jenoside yakorewe Abatutsi.

Perezida Paul Kagame yagize ati:

''Komisiyo Perezida Macron w’u Bufaransa yashyizeho, ni bya bindi by’intambwe igaragara mu buyobozi bw’u Bufaransa mu gukemura icyo kibazo, kuko hari n’ibindi bakora bikemura n’ibindi bibazo bibareba bitareba n’u Rwanda, ariko kubireba u Rwanda icyo ngicyo navuga ko ari intambwe, niba barateye iyo ntambwe ubwo ni uko bayitera kugira ngo n’ibindi bizagende neza, ubwo umuntu yategereza tukareba uko bizagenda. Ngira ngo ariko byavutse biturutse mu buyobozi bushya, mu gihe gishya no mu gihe gikwiriye kuranga imikorere itandukanye n’iyahozeho kera, aho tugeze ibintu bishobora kuba neza kurushaho.''

Prezida w'Ubufaransa Emmanauel Macron yanavuze ko taliki 7 Mata buri mwaka ukwiye kwemezwa nk'umunsi wahariwe kwibuka Jenoside yakorewe Abatutsi mu Rwanda muri Mata 1994, Kuri Gisigaraga ibi ngo bisobanuye byinshi.


Inkuru ya Paul Rutikanga




Ba wambere gutanga igitekerezo

Tanga igitekerezo:



RSS FEED

Abanyafurika bashyize hamwe, ubusumbane mu iterambera bwashira -President Kagame

RWANDA: Umusaruro mbumbe wazamutse ku 8.4% mu gihembwe cya 1 cya 2019

Peace Cup: Uko amakipe yatsindanye

Isiganwa rya Kigali Peace Marathon mu mafoto

Madame Jeannette KAGAME yifatanyije n'ibihumbi by'abitabiriye Marathon

MINISANTE IRASABA ABANYARWANDA KWIRINDA EBOLA