Perezida Kagame kuri uyu wa kane ategerejwe muri Tanzania

Perezida wa Repubulika Paul Kagame unayoboye Umuryango wa afurika y'iburasirazuba kuri uyu wa kane ategerejwe muri Tanzania aho atangira uruzinduko rw'akazi rw'iminsi ibiri ku butumire bwa mugenzi we Dkt John Pombe Magufuli wa Tanzania.

Nkuko itangazo ryashyizwe hanze n'uyu muryango wa afurika y'iburasirazuba ngo uru ruzinduko rw'akazi ruzaha umwanya abayobozi bombi kuganira ku mubano w'ibihungu byombi byumwihariko ariko ko bazanaganira ku mbogamizi zigikoma mu nkokora umubano w'ibihugu bigize uyu muryango.

Biteganyijwe ko umukuru w'igihugu agera ku kibuga mpuzamahanga cy'indege cya Julius Nyerere ku isaa cyenda zo muri Tanzania mu Rwanda biraba ari saa munani aho ari bwakirwe na Perezida wa Tanzania John Pombe Joseph Magufuli.