Perezida Kagame yaganiriye na Tshisekedi i Kinshasa

Perezida wa Repubulika Paul Kagame kuri uyu wa Kane yakiriwe na mugenzi we wa RDC, Félix Tshisekedi muri Palais de la Nation bagirana ibiganiro.

Ibi biganiro by’abakuru b’ibihugu byabaye mbere y’inama  yiga ku ruhare rw’abagabo mu guteza Imbere uburinganire, hakumirwa ihohoterwa rishingiye ku gutsina.

Umukuru w’igihugu akigera i Kinshasa ku kibuga cy'indege yakiriwe na Minisitiri w’intebe w’iki gihugu Lukonde Sama.

Iyi nama kandi yitabiriwe n'abandi bakuru b'ibihugu na za Guverinoma muri Afurika.

Perezida Félix Tshisekedi kuri ubu ni we uyoboye umuryango wa afurika yunze ubumwe, iyi nama agiye kuyobora igamije kurebera hamwe ingamba zo kurwanya ihohoterwa rikorerwa abagore n'abakobwa, abagabo bakagaragaza imyitwarire iboneye itabahohotera.

Ferdinand UWIMANA