Perezida Kagame yagiranye ibiganiro na Macky Sall wa Senegal

Mu gitondo cyo kuri uyu wa Gatatu, Perezida wa Repubulika Paul Kagame yaganiriye na Macky Sall, Perezida wa Senegal akaba ari na we uyoboye Umuryango wa Afurika yunze Ubumwe muri iki gihe.

Ibiganiro by’aba bakuru b’ibihugu byibanze ku ngingo zireba Umugabane wa Afurika n'ibihugu byombi.

Tukiri muri iki gihugu kandi, uyu munsi kandi Perezida Kagame ari kumwe na Perezida Macky Sall, bahuye n’abahanzi bo ku mugabane wa Afurika basusurukije ibirori byo gutaha ku mugaragaro Stade Abdoulaye Wade byabaye ku wa Kabiri.

Ku wa Kabiri ni bwo Perezida Kagame yifatanyije n’abandi bakuru b’ibihugu mu muhango wo gutaha Stade Abdoulaye Wade, ifite ubushobozi bwo kwakira abantu ibihumbi 50.