AGEZWEHO

  • Byinshi kuri Dr Ngabonziza wavumbuye ubwoko bushya bw'igituntu – Soma inkuru...
  • Abahinga mu cyanya cya Nasho bahangayikishijwe n’ikibazo cy'imvubu zibonera – Soma inkuru...

Perezida Kagame yasabye abatuye Nyamasheke kwanga imikorere y'abayobozi bamwe babasiragiza

Yanditswe Aug, 27 2022 13:36 PM | 100,087 Views



Perezida Paul Kagame yasabye abatuye Akarere ka Nyamasheke kwanga imigirire y'abayobozi bamwe na bamwe babasiragiza cyangwa babaka ruswa, ndetse umukuru w'igihugu ashimangira ko abayobozi nk'abo batazihanganirwa.

Abatuye Akarere ka Nyamasheke bagaragarije Perezida Kagame ibikorwa bitandukanye bagezeho babikesha imiyoborere abereye ku isonga, barimo ababyeyi bari bateze urugori bakikije uruhimbi ruteretseho ibisabo n'inkongoro ari nako bavuza impundu.

Mu ijambo yagejeje ku baturage, Perezida Kagame yahamagariye abaturage kutihanganira abayobozi babasiragiza n'ababaka ruswa.

Ku bijyanye n'ibidindiza iterambere ry'Akarere ka Nyamasheke, Perezida Kagame yavuze ko Leta igiye gukora ibishoboka byose ikubaka imihanda ihuza ibice bitandukanye by'ako karere, ibyo bikajyana no gukemura ikibazo cy'ingutu cy'amanegeka kibangamira imitutire ndetse no kugeza amazi b'amashanyarazi by'umwihariko ku bigo by'ubuvuzi.

Perezida Kagame yaherukaga mu karere ka Nyamasheke ku wa 29 Nyakanga 2017 mu bikorwa byo kwiyamamaza.

Yashimiye abatuye aka karere umusanzu wabo mu mutekano cyane cyane mu minsi ishize ubwo abagizi ba nabi bageragezaga kuwuhungabanya ariko bagahashywa n'inzego z'umutekano zifatanyije n'abaturage.


Jean Pierre Kagabo



Ba uwambere gutanga igitekerezo

Tanga igitekerezo:



RSS FEED

Byinshi kuri Dr Ngabonziza wavumbuye ubwoko bushya bw'igituntu

Abahinga mu cyanya cya Nasho bahangayikishijwe n’ikibazo cy'imvubu zi

Perezida Kagame asanga Kongo ubwayo ariyo ikwiye gukemura ibibazo ifite

Bamwe mu bagororwa bayobotse uburyo bw’ubwumvikane bwo kwemera icyaha basa

Abatuye muri Muhanga bemeye kwita ku mutekano w’ikiraro gishya kibahuza n&

Umuryango mpuzamahanga wongeye gusabwa kurwanya imvugo zimakaza urwango