Perezida Kagame yashyizeho abajyanama 5 mu Nama Njyanama y'Umujyi wa Kigali

AGEZWEHO


Perezida Kagame yashyizeho abajyanama 5 mu Nama Njyanama y'Umujyi wa Kigali

Yanditswe August, 16 2019 at 21:16 PM



Itangazo riturutse mu Biro bya Minisitiri w'Intebe riravuga ko Perezida wa Repubulika yashyizeho abajyanama mu Nyama Njyanama y'Umujyi wa Kigali.

Riragira riti "Ashingiye ku Itegeko Nshinga rya Repubulika y'u Rwanda ryo mu 2003 ryavuguruwe muri 2015, cyane cyane mu ngingo ya 112; Ashingiye kandi ku Itegeko No 22/2019 ryo ku wa 29/07/2019 rigenga Umujyi wa Kigali cyane cyane mu ngingo yaryo 11, yashyizeho Abajyanama mu Nama Njyanama y'Umujyi wa Kigali ari bo:

Dr Jeannette Bayisenge, Gentille Musengimana, Gilbert Muhutu, Regis Mugemanshuro, Dr Ernest Nsabimana."

Itegeko rishya rigenga imitegekere n’imiterere y’umujyi wa Kigali riteganya ko uzagira abajyanama 11. Batandatu muri bo batorwa  mu turere 3 tw’umujyi, Gasabo, Kicukiro na Nyarugenge, babiri babiri umugore n’umugabo buri karere, bagatorwa na njyanama z’imirenge, mu gihe abandi batanu bashyirwaho na Perezida wa Republika. Nyuma y'amatora, bose barahirira rimwe.

Biteganyijwe ko kuri uyu wa 17 Kanama 2019 ari bwo abajyanama 6 bazatorwa mu turere tugize Umujyi wa Kigali.



Ba uwambere gutanga igitekerezo

Tanga igitekerezo:



RSS FEED

President Kagame appoints new Kigali City leaders to serve under new City struct

Perezida Kagame yashyizeho abayobozi bashya mu Mujyi wa Kigali

Ikoreshwa rya drones ryitezweho gukurura urubyiruko mu buhinzi

Amaherezo y’amazi y’imvura asenya ibintu i Kigali azaba ayahe?

Ibibanza by'abashoramari bitubatse biri mu Mujyi wa Kigali amaherezo yabyo

U Rwanda mu gushaka uburyo buhamye bwo gutunganya amazi yanduye i Kigali