Perezida Kagame yitabiriye inama ya ICGLR yiga ku mutekano wa Centrafrika

AGEZWEHO

  • Abatuye Nyaruguru barishimira ko ibitaro Umukuru w'Igihugu yabemereye byuzuye – Soma inkuru...
  • BNR yavuze ko umutungo wa za banki wazamutse ugera kuri Miliyali 4 501 Frw – Soma inkuru...

Perezida Kagame yitabiriye inama ya ICGLR yiga ku mutekano wa Centrafrika

Yanditswe Apr, 20 2021 18:31 PM
42,642 Views



Perezida Paul Kagame yitabiriye Inama Mpuzamahanga y’umutekano ku karere k’ibiyaga bigari (ICGLR) yabereye i Luanda muri Angola, isuzuma ibibazo bya Politiki n’umutekano muri Republika ya Centrafrika.

Iyi nama yayobowe na Perezida w’icyo gihugu Joao Lourenzo, yitabirwa kandi n’abandi bakuru b’ ibihugu barimo Sassou Nguesso wa Congo-Brazzaville,  Faustin  Touadéra wa Centrafrika na  Gen Major Ibrahim Jaber wari uhagarariye Sudani.

Mbere gato y’iyi nama, Perezida Paul Kagame yabonanye na mugenzi we wa Angola  Joao Lourenzo bagirana ibiganiro.

Iyi nama ibaye nyuma y’ibyumweru bitatu  perezida wa Centrafrika, Prof Faustin Archange Touadera arahiriye kuyobora  icyo gihugu muri manda ya kabiri.

Ni nyuma y’amatora yabaye mu mpera za 2020, aho inyeshyamba zirwanya iki gihugu zari zarahiriye kuyaburizamo ariko abafatanyabikorwa ba Centrafrika barimo n’u Rwanda bakoherezayo ingabo zo kwimakaza umutekano.

Izo ngabo zanagize uruhare rukomeye mu kuburizamo ibitero by’inyeshyamba mu minsi mike yakurikiye ayo matora.


Perezida Paul Kagame ubwo yageraga muri Angola mu nama ya ICGLR yigaga ku mutekano wa Centrafrika

Umukuru w'igihugu yakiriwe na mugenzi we wa Angola, Joao Lourenzo

Perezida Kagame kandi yagiranye ibiganiro byihariye na Joao Lourenzo byibanze ku butwererane bw'ibihugu byombi.

Perezida wa Angola niwe wayoboye iyi nama yize ku bibazo byo muri Centrafrika

Umukuru w'igihugu yanitabiriye inama ya ICGLR yize ku bibazo by'umutekano muke birangwa muri Centrafrika

Uhereye ibumoso ni Perezida Faustin  Touadéra wa Centrafrika,  Sassou Nguesso wa Congo-Brazzaville,  Joao Lourenzo wa Angola, Perezida Paul Kagame w'u Rwanda na Gen Major Ibrahim Jaber wari uhagarariye Sudani.




Ba uwambere gutanga igitekerezo

Tanga igitekerezo:



RSS FEED