Perezida Kagame yitabiriye inama mu Bufaransa y’ihuriro ryiga ku mahoro ku isi

Perezida Kagame yitabiriye inama mu Bufaransa y’ihuriro ryiga ku mahoro ku isi

Yanditswe November, 11 2018 at 19:20 PM | 70836 Views



Perezida wa Repubulika akaba n’umuyobozi w’umuryango w'Afurika yunze ubumwe Paul Kagame ni umwe mu bakuru b’ibihugu bitabiriye inama y’Ihuriro ryiga ku mahoro ku isi i Paris mu Bufaransa kuri iki Cyumweru

Muri iyi nama y'ihuriro ry'umutekano ry' i Paris ibaye ku nshuro yayo ya mbere yateguwe n' umukuru w' igihugu cy' ubufaransa Emmanuel Macron ikaba yitabiriwe n'abakuru b' ibihugu na za guverinoma z' ibihugu bitandukanye by' isi, aho Emmanuel Macron asanga aho isi igize buri gihugu gifite inshingano zo kutifata nk' ikirwa kidashishikajwe n' ibizo rusange byugarije isi.

Ku nshuro yayo ya mbere iyi nama ibaye irahuriza hamwe abakuru b' ibihugu na za guverinoma b' ibihugu by' imigabane yose igize isi bari mu bufaransa mu rwego rwo kwibuka imyaka 100 intambara ya mbere y' isi irangiye bizwi nka ARMISTICE.

Umukuru w' ubudage Dr. Angela Merkel yavuze ko amakosa yakozwe n' abayobozi b'ubudage bw' icyo gihe yabereye isomo iki gihugu mu guha gaciro amahoro no gufatanya na bandi mu gukemura amakimbirane mu biganiro nubwo ayo mahoro atabura gukomwa mu nkora na bimwe mu bihugu  bitarasobanukirwa no gukorera hamwe na bandi.


Naho umunyamabanga mukuru w' umuryango w'abibumbye Antonio Guterres asanga kuba hashize  imyaka ijana intamabra ya mbere y' isi irangiye  benshi babifata nk'amateka ya kure, kuko kudasenyera umugozi umwe no gushaka umuti ku bibazo by' ugarije isi mu nyungu z'abaturage  ari bimwe bikomeje gushyira isi mu kaga.

Iyi nama ngarukamwaka ibaye uburyo bwo guhuriza hamwe abafatanyabikorwa ku rwego rw' isi yaba abakuru b' ibihugu, imiryango mpuzamahanga ,za sosiyete sivile  barebera hamwe uburyo bwo gukemura ibibazo byugarije isi muri iki gihe binyuze muri gahunda zitandukanye zihuriweho n'abafatanyabikorwa bose yaba mu mutekano n'amahoro,ibidukikije, iterambere ,ikoranabuhanga ndetse n' ubukungu budaheza.

Mbere gato y' iyi nama y' ihuriro ry' amahoro ry' i Paris perezida wa repubulika Paul Kagame yakiriwe ku meza na mugenzi we w' ubufaransa Emmanuel Macron hamwe n'abandi banyacyubahiro nyuma y'imihango yo kwibuka imyaka 100 Intambara ya Mbere y'Isi irangiye yahitanye abantu basaga miriyoni 10 isiga igize abapfakazi abagore bangana hafi miriyoni 3 kuribo hakiyongeraho abana miriyoni 6 bagizwe imfubyi n'iyi ntambara.



Ba wambere gutanga igitekerezo

Tanga igitekerezo:



RSS FEED

Smart Africa yabonye umuyobozi mushya

Perezida Kagame arashima intambwe AU yateye mu gihe cy' umwaka ushize awuyo

Perezida Kagame avuga ko umwaka wa 2019 nawo ugomba kuba uwo gukora cyane

Perezida Kagame yifurije ingabo Noheli Nziza anabashimira ibikorwa byabo mu 2018

Perezida Kagame na Madamu bageze muri Ivory Coast aho bari mu ruzinduko rw'

Ubufatanye hagati y'Uburayi na Afrika buzakemura ikibazo cy'abimukira-