Perezida Paul Kagame yageze muri Tanzania

Perezida Paul Kagame yageze muri Tanzania

Yanditswe March, 07 2019 at 14:42 PM | 9918 Views



Perezida wa Repubulika Paul Kagame unayoboye Umuryango wa Afurika y'i Burasirazuba kuri uyu wa kane yageze muri Tanzania aho kuri uyu mugoroba agirana ibiganiro na mugenzi we Dkt John Pombe Magufuli wa Tanzania. Ni mu ruzinduko rw'akazi rw'iminsi ibiri ku butumire bwa Perezida Magufuli.

Prezidensi y'u Rwanda yatangaje ko Perezida Kagame agirana ibiganiro na perezida Magufuli, kandi ko uru ruzinduko ari umwanya ku bakuru b'ibihugu byombi kuganira ku mubano w'ibi bihugu byumwihariko, no ku mbogamizi zigikoma mu nkokora kwishyira hamwe kw'ibihugu bigize uyu muryango. Nyuma baraza kugirana ikiganiro n'itangazamakuru, uyu munsi wa mbere w'uruzinduko ukaza gusozwa no kwakirwa kumeza na Perezida Magufuli.

Perezida Kagame yaherukaga muri Tanzania mu kwezi kwa mbere k'umwaka ushize wa 2018, mu gihe perezida Magufuli we aheruka mu Rwanda mu kwezi kwa Kane kwa 2016.




Ba wambere gutanga igitekerezo

Tanga igitekerezo:



RSS FEED

Rwandans to compete on 'Chinese Language' with students from around th

ABADIPLOMATE MURI GAHUNDA YO GUSURA IBYIZA BITATSE U RWANDA

SOPHIA ROBOT IMEZE NK'ABANTU ITEYE ITE?

AMATEKA YA INTERNET MU RWANDA

PEREZIDA WA MALI IBRAHIM BOUBAKAR KEITA YAGEZE MU RWANDA

ABAYOBOZI BAGARAGAZA KO IKORANABUHANGA RIKOMEJE GUFASHA AFURIKA MU ITERAMBERE