Perezida wa Repubulika y’u Rwanda Paul Kagame yashoje urugendo rw’iminsi 2 yagiriraga mu gihugu cya Angola; we na mugenzi we Perezida João Lourenço bagirana ikiganiro n’itangazamakuru, kuri uyu wa Kane tariki 21 Werurwe 2016.

Perezida Kagame yavuze ko hari ibintu byinshi by’amateka, umuco n’imitekerereze bihuza ibihugu byombi.

Umukuru w’igihugu yavuze ku bijyanye n’impinduka, avuga ko zishobora kugerwaho binyuze mu gushora imari ku mpande zombi.

Muri iki kiganiro n’itangazamakuru, Perezida w’u Rwanda Paul Kagame yagize ati “Mu bijyanye no guteza imbere imibanire hagati ya Angola n’u Rwanda; twaganiriye aho tubona dushobora kugirana ubufatanye tukaba twakigananaho hagati yacu, mu byiciro byose.”

Perezida w’u Rwanda, Paul Kagame yageze muri Angola kuwa Kabiri.

Ibihugu byombi, umwaka ushize byasinyanye amasezerano y’imikoranire mu bijyanye n’ubwikorezi bwo mu kirere aho RwandAir na Angola National Airline TAAG zikora ingendo zisaga 7 buri cyumweru mu bihugu byombi.