Perezida Paul Kagame yatashye uruganda rutunganya amazi rwa Nzove 2

AGEZWEHO


Perezida Paul Kagame yatashye uruganda rutunganya amazi rwa Nzove 2

Yanditswe March, 28 2016 at 17:25 PM | 1724 Views



Perezida wa repubulika Paul Kagame ubwo yatahaga ku mugaragaro uruganda rutunganya amazi rwa Nzove, yasabye abanyarwanda gufata neza ibikorwaremezo by'amazi no kuyabyaza umusaruro uko bikwiriye. Ni uruganda rwuzuye mu mezi 11 rutanga m3 ibihumbi 25 buri munsi rukazafasha igihugu kuzigama miliyoni zisaga 700 buri mwaka kubera ikoranabuhanga rwifashisha.


Perezida Paul KAGAME yanatambagijwe ibice binyuranye bigize uru ruganda, yerekwa inzira zinyuranye amazi anyuramo atunganywa kugeza yizewe ko yakoreshwa. Ni uruganda rutunganya ku munsi m3 ibihumbi 25 ku ikubitiro, ariko rukazongererwa ubushobozi mu gihe kitarenze umwaka rukazajya rutanga m3 ibihumbi 40.

Umukuru w'igihugu yavuze ko iki ari igikorwa gikomeye mu mibereho y'abanyarwanda bityo asaba ko bakwiye kwita kuri aya mazi ariko bakanayabyaza umusaruro, "Ndasaba rero ko abanyagihugu: abayobozi n'abaturage ko twakomeza gufatanya kdi tukarinda ibikorwaremezo nk'ibi byakozwe, byashyizweho tukabikoresha neza mu kuduha agaciro tubishakamo k'amazi meza, noneho ubwo igiciro cy'amazi azatugeraho kigabanyutse tuzayakoresha neza ku bwinshi twishyure noneho tubone n'ukuntu ibivuyemo twashobora gutanga amazi ahandi ataragera"


Uruganda rwa Nzove rwubatswe guhera mu kwezi wa 3 umwaka ushize ku bufatanye na Culligan International, sosiete y'abanyamerika imaze imyaka 75 yubaka inganda nk'izi hirya no hino ku isi. Rwatanzweho miliyoni 7,4 z'amadolari y'amerika kandi iyi sosiyete yiyemeje gufungura vuba ishami ryayo i Kigali rizafasha akarere ka Afrika y'iburasirazuba.

Ubusanzwe ikigo gikwirakwiza amazi, isuku n'isukura(WASAC) cyari cyatunganyaga m3 ibihumbi 65 ahabwa abatuye mu mugi wa Kigali, kikaba ubu gihise kigera kuri m3 ibihumbi 90, mu gihe hakenewe nibura m3 ibihumbi 110 ku munsi. Intego ni uko mu kwezi kwa mbere umwaka utaha hazaba haboneka amazi ahagije umujyi wose wa kigali. Naho mu 2020 abanyarwanda bose bazaba barabonye amazi meza.



Ba wambere gutanga igitekerezo

Tanga igitekerezo:



RSS FEED

Perezida Paul Kagame mu baperezida 22 bitabiriye irahira rya Ramaphosa

PEREZIDA WA REPUBULIKA PAUL KAGAME YAKIRIYE UMUKURU W'IGIHUGU WA QATAR

PEREZIDA KAGAME YABWIYE ABAGIZE NBA UKO U RWANDA RWIYUBATSE

Perezida wa Repubulika Paul Kagame yakoze impinduka mu gisirikare

Perezida Paul Kagame yifatanyije n'abatuye Kicukiro mu muganda

HE Paul Kagame yahawe impamyabushobozi y'icyubahiro muri Ethiopia