Perezida Paul Kagame yifatanyije n'abatuye Kicukiro mu muganda

Perezida Paul Kagame yifatanyije n'abatuye Kicukiro mu muganda

Yanditswe March, 30 2019 at 12:25 PM | 2190 Views



Prezida wa Republika Paul Kagame yifatanyije n'abatuye mu Karere ka Kicukiro mu muganda ngaruka-kwezi aho yavuze ko ibikorwa by'umuganda bikwiye kuba umuco w'Abanyafurika bose.

Abayobozi mu nzego zitandukanye mu muryango wa Afrika y'i Burasirazuba bari mu mwiherero mu Rwanda, bifatanyije n'abanya Kigali mu muganda ngarukakwezi w'ukwezi kwa Werurwe 2019.


Ni umuganda wakorewe ku rwibutso rwa Jenoside rwa Nyanza-Kicukiro aho hakozwe isuku mu nkengero z'urwibutso no gutunganya inzira z'amazi zirukikije.

Aba bayobozi banatunganyije ubusitani butunganywa hafi y'uru rwibutso buzafasha abarusura kuba baharukira kdi bakanahamenyera amateka ya Jenoside muri rusange.

Aba bayobozi mu muryango wa Afrika y'i Burasirazuba banasuye Urwibutso rwa Nyanza ndetse bashyira Indabo ku mva ishyinguyemo Abatutsi bari bahungiye ahahoze Ari ETO-Kicukuro  bakaza kwicwa  tariki 11 Mata 1994 nyuma y'uko ingabo z'umuryango w'abibumbye zari zihakambitse zibatereranye.

Abayobozi batandukanye mu muryango wa Afrika y'i Burasirazuba bamaganye abakoze Jenoside kandi basaba Ko aho bari hose bakurikiranwa, gusa banashima ibikorwa by'umuganda kuko ari umwihariko w'u Rwanda bikaba n’umuco mwiza ukwiye gukwira mu Banyafrika bose. 





Ba wambere gutanga igitekerezo

Tanga igitekerezo:



RSS FEED

PEREZIDA WA REPUBULIKA PAUL KAGAME YAKIRIYE UMUKURU W'IGIHUGU WA QATAR

PEREZIDA KAGAME YABWIYE ABAGIZE NBA UKO U RWANDA RWIYUBATSE

Perezida wa Repubulika Paul Kagame yakoze impinduka mu gisirikare

Perezida Kagame avuga ko hari gushakwa uko hakemurwa ibibazo bya EAC

Perezida Kagame yatangije umwiherero w’Abayobozi b’Inzego za EAC

Perezida Kagame kuri uyu wa kane ategerejwe muri Tanzania